web counter
LEXO PA REKLAMA!

SHKARKO APP

App Store
Google Play

Sot, 111-vjetori i Pavarësisë së Shqipërisë/ Vjosa Osmani, mesazh urimi

28 Nëntor 2023, 09:21, Aktualitet CNA
Sot, 111-vjetori i Pavarësisë së Shqipërisë/ Vjosa
Vjosa Osmani

Presidentja e Kosovës, Vjosa Osmani, ka uruar shqiptarët në këtë datë të shënuar për mbarë kombin shqiptar, 28 Nëntorin, shpalljen e pavarësisë së Shqipërisë.

Krahas urimit, Osmani thekson se Kosova do të jetë gjithnjë në krah të Shqipërisë, duke thelluar më tej lidhjet ndërshtetërore, si edhe ato ndërmjet motrave e vëllezërve.

“Ditën e pavarësisë së Shqipërisë, ditëlindjen e komandantit legjendar Adem Jashari dhe daljen e parë publike të UÇK-së, i bashkon flamuri kuq e zi dhe data 28 nëntor.

Flamuri ynë kombëtar është trashëgimi e përjetësuar në simbol që nga viti 1443 në Krujë, 1912 në Vlorë dhe 1999 në Prishtinë.

Kjo ditë është dedikim për heronjtë tanë që prej Gjergj Kastriotit, Ismajl Qemajlit, Hasan Prishtinës, Isa Boletinit e deri te Adem Jashari, vepra e të cilëve është vula e shtetit të Shqipërisë dhe atij të Kosovës.

Republikës së Shqipërisë ia përcjell urimet më të ngrohta të qytetarëve dhe të institucioneve të Kosovës në këtë 111 vjetor. Kosova do të jetë gjithnjë në krah të Shqipërisë, duke thelluar më tej lidhjet ndërshtetërore, sikurse edhe ato ndërmjet motrave e vëllezërve!

Gëzuar të gjithëve! Kosovë dhe Shqipëri”, shkruan Osmani./ CNA





Lajmet e fundit nga