web counter
LEXO PA REKLAMA!

SHKARKO APP

App Store
Google Play

E fundit!

x

111-vjetori i Pavarësisë, Meta uron shqiptarët: Gëzuar Ditën e Flamurit Kombëtar!

28 Nëntor 2023, 09:37, Politikë CNA
111-vjetori i Pavarësisë, Meta uron shqiptarët: Gëzuar
Ilir Meta

Kreu i Partisë së Lirisë, Ilir Meta, ka uruar sot të gjithë shqiptarët, për 111-vjetorin e Pavarësisë. Ai nënvizon se kjo është një ditë që bashkon të gjithë shqiptarët. 

“Gëzuar Ditën e Flamurit Kombëtar, simbolit që bashkon të gjithë shqiptarët, Gjergj Kastrioti Skënderbeun dhe Ismail Qemalin, Isa Boletinin dhe Adem Jasharin! Nderimin më të thellë për Atin e Shqipërisë, themeluesin e shtetit tonë modern, Ismail Bej Vlorës dhe veprës së ndritur të shumë patriotëve të tjerë që përjetësuan 28 Nëntorin e vitit 1912! Gëzuar Pavarësinë e Shqipërisë!”, shkruan Meta në "Facebook".

Shqipëria sot feston 111-vjetorin e Pavarësisë. Ditën e sotme për herë të parë në vendin tonë do të organizohet Parada e shqiptarëve. Me pjesëmarrjen e mijërave shqiptarëve nga të gjitha trojet, parada do të mbledhë mbi 150 Ansamble Popullore.

Kjo ceremoni pritet të fillojë në orën 11:00. Parakalimi fillon nga sheshi "Nënë Tereza", si pika e grumbullimit, për të vijuar në drejtim të sheshit “Skënderbej”. Pasi të bashkohen të gjithë në sheshin “Skënderbej”, aty do të jetë ngritja ceremoniale e flamurit.

Ndërkohë, presidenti, kryeministri, kryetarja e Kuvendit do të bëjnë ngritjen ceremoniale të flamurit në orën 10:00 në Vlorë./CNA

 

 





Lajmet e fundit nga