web counter
LEXO PA REKLAMA!

SHKARKO APP

App Store
Google Play

Tensionet Kosovë-Serbi/ Rama kërkon merita për draftin e BE-së: Shumë nga përmbajtja ime ndodhet në të

27 Nëntor 2023, 15:14, Politikë CNA
Tensionet Kosovë-Serbi/ Rama kërkon merita për draftin e
Edi Rama

Kryeministri Edi Rama në një bashkëbisedim në Këshillin e Atlantikut mbi sfidat e rajonit dhe perspektivën evropiane nuk la pa përmendur edhe situatën mes Kosovës dhe Serbisë. 

Ai theksoi se nuk di me saktësi se çfarë përmban propozimi i ri për dialogun mes Kosovës dhe Serbisë (drafti i BE-së), por nënvizoi se një pjesë e propozimit të tij për këtë situatë është përfshirë në dokument.

Në këtë mënyrë Rama "kërkon merita" për punën e tij për propozimin e bërë për të kapërcyer situatën e tensioneve. 

"Unë nuk e di saktësisht përmbajtjen e plotë të propozimit të ri, unë vetë jam përpjekur të jap kontribut në këtë drejtim. Shumë prej asaj që ishte në përmbajtje të propozimit tim, është bërë pjesë e përmbajtjes së re të BE-së. E ardhmja e rajonit është në BE", u shpreh Rama. 

Kujtojmë që më 1 nëntor u zbardh dokumenti i propozuar nga 5 shtetet e “QUINT”-it në takimin e fundit me kryeministrin e Kosovës, Albin Kurti dhe Presidentin e Serbisë, Aleksandër Vuçiç.

Në dokumentin e propozuar nga presidenti i Francës, Emmanuel Macron, kancelari gjerman, Olaf Scholz, kryeministrja e Italisë, Giorgia Meloni, presidenti i Këshillit Evropian, Charles Michel dhe shefi i politikës së Jashtme të BE-së, Josef Borrell, kërkohet që Kosova të njihet nga Serbia si shtet i pavarur.

Shumica e mediave nuk e publikuan dokumentin, por nxorën variantin e propozuar nga kryeministri Edi Rama./CNA

 

 





Lajmet e fundit nga