web counter
LEXO PA REKLAMA!

SHKARKO APP

App Store
Google Play

E fundit!

x

Flakadanët në Kuvend/ Rama: Sensasion zoologjik, ka lidhje me hallin e madh të një individi

24 Nëntor 2023, 18:27, Politikë CNA
Flakadanët në Kuvend/ Rama: Sensasion zoologjik, ka lidhje me hallin e
Kryeministri Edi Rama

Kryeministri Edi Rama ka folur për protestën e opozitës në Kuvend dhe flakadanët e ndezur në seancën e shkuar të parlamentit.

Sot gjatë mbleshjes së Asamblesë në Tiranë, Rama është shprehur se deputetët e opozitës kanë ngatërruar parlamentin me një shpellë.

Sipas kreu të qeverisë e gjithë protesta nuk po bëhet për faktin se nuk po ngrihen komisionet hetimore por për hallin e një inidividi që gjithksuh e dinte të paprekshëm por sot po përballet me drejtësinë, duke nënkuptuar ish kryeministrin Sali Berisha.

“Është është sikur papritur një grup njerëzish ka ngatërruar parlamentin me një shpellë dhe ka ndezur një zjarr. Nuk kanë lënë mundësi pa e bërë Shqipërinë të duket keq në sytë e botës. Por ky i fundit është një sensasion zoologjik.

Po diskutonim sot. Ne kemi nisur para disa muajsh iniciativën për të ndërhyrë në ligjin për komisionin hetimor. Ne nuk do ngremë komisone hetimore pa adresuar vendimet e gjykatës kushtetuese që janë të detyrueshme për tu zbatuar. Flaka nuk koicidon me faktin se nuk po  ngremë komisionet po me tjetër gjë që e dinë të gjithë se ça është. Nuk ka asnjë anëtar të faunës shqiptare që nuk do të thoshte se ka lidhje me hallin e e madh të një individi që shumëkush e mendonte të paprekshëm dhe që sot duhet të përballet me drejtësinë . Kjo është lidhja”, tha Rama./ CNA





Lajmet e fundit nga