LEXO PA REKLAMA!

SHKARKO APP

Masa e sigurisë/ Shtyhet seanca për Berishën në Apelin e GJKKO-së

24 Nëntor 2023, 09:30, Politikë CNA

Masa e sigurisë/ Shtyhet seanca për Berishën në Apelin e

Seanca plenare në Apelin e GJKKO-së për ish-kryeministrin Sali Berisha është shtyrë me disa orë.

Vendimi është marrë nga gjyqtarja Ilirjana Olldashi. Seanca do të mbahet në orën 14:00.

Kujtojmë se Berisha ka kërkuar heqjen e masës së sigurisë “detyrim paraqitje”.

Nga ana tjetër, SPAK ka kërkuar përjashtimin e gjyqtares Olldashi për çështjen e Berishës për privatizimin e ish-kompleksit "Partizani".

Kujtojmë se SPAK ka ngritur akuzat se Berisha ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit “Partizani”, Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA

Lajmet e fundit nga