web counter
LEXO PA REKLAMA!

SHKARKO APP

App Store
Google Play

E fundit!

x

Mesazhi i Abazoviçit në Samitin e III të Diasporës: Problemet i kemi me të tjerët, por do të ndryshojë situata

23 Nëntor 2023, 12:35, Politikë CNA
Mesazhi i Abazoviçit në Samitin e III të Diasporës:
Dritan Abazoviç

Gjatë fjalës së tij në Samitin e Tretë të Diasporës në Tiranë, ish-kryeministri i Malit të Zi, Dritan Abazoviç, deklaroi se Shqipëria ka bërë një transformim të madh shoqëror. 

Gjatë fjalës së tij ai nënvizoi se shqiptarët tani nuk i kanë problemet me njëri-tjetrin, por me të tjerët. Sipas tij, kjo situatë do të ndryshojë. 

"Tani nuk i kemi problemet mes njëri-tjetrit, por vetëm me të tjerët. Edhe kjo situatë do të ndryshojë. Shqipëria organizon samite ndërkombëtare dhe mban fjalën në Këshillin e Sigurimit, duke dhënë leksione atje", tha Abazoviç. 

Ai shtoi se e shikon të ardhmen e politikës paqësore dhe në samitin e katërt që do të mbahet nuk do të ketë asnjë problem.

“Sfida më e madhe për ne është që të mundim vetveten dhe kur ke besim gjithçka arrihet. Vetëm kujtoni si ka qenë Shqipëria 20 vite më parë dhe si është tani. Nuk kam menduar se do të pësonte një transformim kaq të madh shoqëror. Unë nuk do të flas vetëm si shoku dhe miku i kryeministrit, por do të them që sot Shqipëria mban fjalën para tërë botës dhe tregon se si do të krijohet një shoqëri perëndimore dhe moderne. Si qytetar, si shqiptar, si evropian jam i gatshëm të ballafaqohem me të gjithë sepse ideja e kombit tonë është që të gjendemi së bashku në koncept, në ligj. Unë e shoh të ardhmen e politikës paqësore, qofshin sfidat që kemi dhe bashkëpunim në shumë fusha. Jam i sigurt që ky samit, i treti, tregon një sfidë të madhe që një herë kishim probleme me veten, më pas me të tjerët dhe jam i bindur që kur të vijë samiti i katërt nuk do të kemi probleme të tjera. Dje ka qenë Dita e Arbëreshëve dhe ai popull ka treguar superioritetin dhe ruajtjen e kulturës së vet, dhe ka dhënë një kontribut se si një kulturë e madhe italiane mburret me ta. Unë jam i sigurt që në BE ne të gjithë së bashku kemi për të krijuar një vlerë dhe një kontribut më të lartë që e presin kombin tonë në gjeneratat ndër vite”, tha Abazoviç./CNA

 

 

 





Lajmet e fundit nga