LEXO PA REKLAMA!

SHKARKO APP

Abazoviç, për sulmin në Kosovë: Vazhdim i politikës katastrofike ballkanike

26 Shtator 2023, 15:49, Kosova & Bota CNA

Abazoviç, për sulmin në Kosovë: Vazhdim i politikës

Kryeministri i Malit të Zi, Dritan Abazoviç, ka deklaruar se “sulmi ndaj policisë në Banjskë të Kosovës është një tragjedi dhe një vazhdim i politikës katastrofike ballkanike nga e cila rajoni nuk mund të shpëtojë”, raportojnë mediat e huaja.

“Dënoj fuqishëm dhunën dhe vrasjet. Të gjithë u tronditëm. Një situatë e këtillë mund të shpërthejë në shkallë më të gjerë”, u tha Abazoviç gazetarëve pas një ligjërate në Fakultetin e Shkencave Politike në Beograd.

Abazoviç shtoi se Mali i Zi mbetet i bindur se politika e viteve 1990 duhet të marrë fund.

“Popujt e këtij rajoni kanë provuar gjithçka përveç pajtimit. Apeli im për serbët dhe shqiptarët është ‘përpiquni të pajtoheni’, garantoj se të gjithë do të jenë mirë”, shtoi ai./ CNA

Lajmet e fundit nga