web counter
LEXO PA REKLAMA!

SHKARKO APP

App Store
Google Play

Sot para gjykatës 3 agresorët e sulmit në Banjskë, pritet të caktohet masa e sigurisë

26 Shtator 2023, 10:37, Kosova & Bota CNA

Sot para gjykatës 3 agresorët e sulmit në Banjskë, pritet

Prokuroria Speciale ka bërë kërkesë për caktimin e masës së paraburgimit ndaj tre të dyshuarve V.T., B.S dhe D.M. për sulmin terrorist të së dielës në Banjskë të Zveçanit.

“Prokuroria Speciale njofton opinionin se kërkesa është bërë kundër tre (3) të pandehurve për veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129 të Kodit nr.06/L-074 Penal të Republikës së Kosovës, si dhe veprat penale “Veprat e rënda kundër rendit kushtetues dhe sigurisë së Republikës së Kosovës” nga neni 126, dhe “Kryerja e veprave terroriste” nga neni 129, lidhur me nenin 33 të Kodit nr.06/L-074 Penal të Republikës së Kosovës”, thuhet në njoftimin e Prokurorisë. 

Seanca gjyqësore pritet të zhvillohet sot në orën 10:00, në Gjykatën Themelore në Prishtinë – Departamenti Special.

Në sulmin e së dielës në Banjskë u vra polici Afrim Bunjaku si dhe mbetën të vrarë 4 agresorë. Policia e Kosovës njoftoi se pjesë e grupit terrorist ishin mbi 30 persona, një pjesë e të cilëve kaluan kufirin dhe u futën në territorin serb. 

 

 





Lajmet e fundit nga