LEXO PA REKLAMA!

SHKARKO APP

Brnabiç flet me fjalët e Vuçiçit/ Bën përgjegjës Kurtin për situatën në Kosovë

25 Shtator 2023, 09:23, Kosova & Bota CNA
Brnabiç flet me fjalët e Vuçiçit/ Bën
Kryeministrja e Qeverisë së Serbisë, Ana Brnabiq

Kryeministrja e Qeverisë së Serbisë, Ana Brnabiç, ka folur me fjalët e Presidentit Aleksandër Vuçiç mbi situatën në veri të Kosovës.

Brnabiç ka bërë përgjegjës kryeministrin e Kosovës Albin Kurtin, duke theksuar dhe dështimin e dialogut në Bruksel.

“Situata në të cilën na solli Kurti të gjithëve, por edhe heshtja e bashkësisë ndërkombëtare është katastrofike”, tha Brnabiç në një dalje në "TV Pink".

Brnabiç shtoi se kushdo që e ka dëgjuar me vëmendje fjalimin e presidentit të Serbisë, Aleksandar Vuçiç, në OKB, mund të dëgjojë edhe paralajmërimin që ka bërë për një konflikt të tillë.

“Askush nuk e ktheu mbrapa këtë, askush nga BE-ja apo SHBA-ja. Askush nuk tha asgjë kur Kurti nga Brukseli kërcënoi serbët se do të vuajnë dhe do të paguajnë”, tha kryeministrja e Serbisë.

“Është gjithashtu e tmerrshme”, siç shtoi ajo, që Kurtit i jepni “carte blanche” për të vrarë të gjithë, me pretekstin se janë terroristë”.

 “Ju thatë se janë terroristë, hyni aty dhe vritini të gjithë, KFOR-i hesht, unë nuk do të shkoj më tutje nëse e bëjnë këtë, për Kurtin të gjithë serbët janë terroristë, a do të thotë se ai mund t'i vrasë të gjithë?”, pyeti kryeministrja.

Ajo shtoi se në fjalimin e tij, presidenti paralajmëroi për spastrimin etnik dhe kujtoi të gjithë terrorin që serbët pësojnë çdo ditë në Kosovë, nga më i riu te më i moshuari.

Sigurisht i vetmi fajtor për gjithçka është Albin Kurti dhe kjo është ëndrra e jetës së tij.

“Ai do të bëjë gjithçka për të provokuar konflikte, por dikush e lejon këtë”, tha ajo.

Më tej Brnabiq shtoi se, do të vazhdojnë të bisedojnë për të gjetur zgjidhjen më të mirë./ CNA

Lajmet e fundit nga