E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Policia “nxjerr bllof” Vuçiçin/ Serbët kishin arsenal armësh në manastir, granata, mitralozë e kallashnikovë

24 Shtator 2023, 21:14, Kosova & Bota CNA

Policia “nxjerr bllof” Vuçiçin/ Serbët kishin

Policia e Kosovës “ka nxjerr bllof” opresidentin serb, Aleksandër Vuçiç, i cili tha se janë vrarë 4 agresorë serbë dhe se Manastiri i Banjskës nuk kishte asnjë lidhje me ta.

Policia deklaron se në të vërtetë janë vrarë vetëm 3 serbë, janë arrestuar dy agresorë dhe 4 persona të tjerë që dyshohet se komunikonin me sulmuesit nëpërmjet radiolidhjeve.

Viktimizohet Vuçiç: Kemi frikë se shqiptarët kanë vrarë serbin e katërt
24 Shtator, 20:55

Në njoftim thuhet se grupi terrorist ka përdorur disa automjete për bllokimin e rrugëve dhe të manastirit, në të cilat është gjetur një arsenal armësh.

Autoritetet deklarojnë se janë dhjetëra - qindra armë të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov etj.

Policia “nxjerr bllof” Vuçiçin/ Serbët kishin

Kujtojmë se gjetjen e arsenalit të armëve e njoftoi pak më parë edhe ministri i Brendshëm i Kosovës, Xhelal Sveçla.

“Si rezultat i përkushtimit dhe angazhimit të njësiteve relevante policore, në kuadër të perimetrit të caktuar të sigurisë është arrestuar edhe sulmuesi i dytë, i cili gjithashtu ka qenë në uniformë ushtarake dhe i armatosur me armë të gjata dhe municion.

Kapet sasi e jashtëzakonshme armatimesh të rënda në Kosovë/ Ishin përgatitur për qindra sulmues
24 Shtator, 20:34

Deri më tani sipas informacioneve nga terreni tre sulmues janë vrarë, janë arrestuar dy sulmues dhe katër persona të dyshuar të cilët ishin hasur nën posedim ilegal të radiolidhjeve, e të cilët dyshohet se ndërlidhen me grup terroristë.

Në orët e vona intensiteti i sulmeve ndaj zyrtarëve policorë ka rënë, por situata e sigurisë ende vazhdon të jetë e tensionuar, përderisa njësitet policore gjatë kontrollit në disa lokacione, objekte banimi dhe në disa automjete që janë përdorur nga grupi terrorist për bllokim të rrugëve, përfshirë automjetet që kanë qenë përreth manastirit në Banjskë, janë gjetur të mbushura përplot me arsenal armësh.

Policia “nxjerr bllof” Vuçiçin/ Serbët kishin

Sipas informacioneve fillestare bëhet fjalë për gjetjen e dhjetëra, qindra armëve të llojeve dhe kalibrave të ndryshëm, uniforma dhe pajisje logjistike, përfshirë armë ushtarake të kalibrit të rëndë si granata, zolla, mitralozë, kallashnikov etj. etj.

Policia e Kosovës nën udhëheqjen e prokurorit të Prokurorisë Speciale të Republikës së Kosovës, në bashkë koordinim edhe me EULEX-in dhe KFOR-in, kanë hyrë në objektet përcjellëse të manastirit të Banjskës, për realizim të detyrave zyrtare”, thuhet në njoftimin e policisë./ CNA