web counter
LEXO PA REKLAMA!

SHKARKO APP

App Store
Google Play

Kreu i mafies siciliane në gjendje kome/ Mjekët ndaluan ushqimin

24 Shtator 2023, 16:39, Kosova & Bota CNA

Kreu i mafies siciliane në gjendje kome/ Mjekët ndaluan ushqimin

Kumbari i mafies siciliane, Matteo Messina Denaro është në gjendje kome të pakthyeshme në spital dhe mjekët kanë vendosur të mos e ushqejnë atë, transmeton Index.hr duke iu referuar mediave italiane.

Messina Denaro është 61 vjeç, por prej disa vitesh vuan nga kanceri i zorrës së trashë. Vendimi i tij për të filluar trajtimin rezultoi në arrestimin e tij pasi vizitoi një klinikë në kryeqytetin sicilian, Palermo.

Ky 61-vjeçar ka vuajtur nga kanceri në zorrë që disa vjet.

Ka qenë vendimi i tij për të marrë trajtim mjekësor, çka më pas ka rezultuar me arrestimin e tij, pas shkuarjes në një klinikë në qytetin italian, Palermo.

Ai përballet me disa dënime me burgim të përjetshëm.

Messina Denaro konsiderohet një prej udhëheqësve më të pamëshirshëm të mafias në Itali dhe akuzohet për shumë krime, përfshirë rolin e tij në vrasjen e gjyqtarit kundër-mafias Giovanni Falcone më 1992.

Ai është shpallur fajtor për përfshirjen në disa bombardime në Romë, Firencë dhe Milano më 1993 dhe për kidnapim dhe vrasje të një 12-vjeçari.

Messina Denaro është zhdukur në verën e vitit 1993 dhe është bërë një prej emrave më të kërkuar në Itali.

Ndonëse ka pasur spekulime se është strehuar në vende të ndryshme në botë, ai është gjetur afër vendlindjes së tij në perëndim të Sicilisë./ CNA





Lajmet e fundit nga