LEXO PA REKLAMA!

SHKARKO APP

App Store
Google Play

FOTO-Të maskuar dhe me autoblinda/ 30 persona thyejnë derën e Manastirit, si u strehua grupi i armatosur deri në dhëmbë

24 Shtator 2023, 13:25, Kosova & Bota CNA
FOTO-Të maskuar dhe me autoblinda/ 30 persona thyejnë derën e
Grupi i armatosur para Manastirit të Banjskës

Një grup kriminal, prej 30 personash, kanë kryer sulme në Leposaviq dhe kanë vrarë policin Afrim Bunjaku si dhe kanë plagosur dy efektivë të tjerë të policisë.

Së fundi janë publikuar pamjet se si pas aktit kriminal, grupi prej 30 personash, të armatosur deri në dhëmbë, janë drejtuar drejt Manastirit të Banjskës në komunën e Zveçanit.

Grupi i armatosur kanë thyer derën e Manastirit dhe janë strehuar brenda.

Automjetet me të cilët ata kanë hyrë në territorin e Kosovës janë pa targa.

Sipas pamjeve ata po vrapojnë të armatosur drejt Manastirit të Banjskës.

Kryeministri Albin Kurti në një konferencë për shtyp, theksoi se grupi prej 30 personash janë profesionistë, ushtarakë dhe policë.

Ata po vijojnë të sulmojnë Policinë e Kosovës, ndërsa Kryeministri Kurti bëri me dije se nuk do të tërhiqet deri në vënien para drejtësisë të përgjegjësve të këtij akti kriminal.

Kryeministri ndër të tjera nënvizoi se është shumë e qartë se nuk kemi të bëjmë me grupe kontrabandistësh, por me formacione profesionistësh, të armatosur rëndë.

Nga ana tjetër ai i ka bërë thirrje grupit kriminal që të dorëzohen para autoriteteve./ CNA

FOTO-Të maskuar dhe me autoblinda/ 30 persona thyejnë derën e

 

Lajmet e fundit nga