LEXO PA REKLAMA!

SHKARKO APP

Zbardhet detaji, grupi kriminal që sulmoi policët i fshehur në Manastirin e Banjskës

24 Shtator 2023, 09:28, Kosova & Bota CNA

Zbardhet detaji, grupi kriminal që sulmoi policët i fshehur në

Grupi që kreu sulmin në Kosovë, në fshatin Banjska të Leposaviqit është fshehur në Manastirin e Banjskës.

Kështu raportojnë mediat kosovare, të cilat shkruajnë se ende ka të shtëna armësh.

Nga sulmi ka mbetur një efektiv policie i vrarë dhe dy të tjerë të plagosur.

Pak minuta më parë është bërë me dije dhe identiteti i policit të vrarë, që është shtetasi Afrim Bunjaku.  

Krerët e shtetit të Kosovës kanë reaguar ashpër pas sulmit dhe i kanë drejtuar gishtin Serbisë për aktin duke e quajtur kriminal.

Sipas infomacioneve të policisë, ngjarja ka ndodhur rreth orës 02:34. Patrulla e policisë është afruar në vendin ku po qëndronin dy kamionët të cilët kishin hyrë 14 km brenda territorit të Kosovës.

Sapo janë afruar ata janë qëlluar me arsenal armësh.

Sulmit nuk ka mundur t’i shpëtojë Afrim Bunjaku, i cili ka mbërritur në spital pa shenja jete.

Ndërsa dy efektivë të tjerë janë plagosur dhe ndodhen jashtë rrezikut për jetën./ CNA

 

Lajmet e fundit nga