LEXO PA REKLAMA!

SHKARKO APP

Vrasja e policit në Veri, Haradinaj e quaj sulm terrorist: Beogradi të heqë dorë nga veprime të tilla

24 Shtator 2023, 08:43, Kosova & Bota CNA

Vrasja e policit në Veri, Haradinaj e quaj sulm terrorist: Beogradi të

Kryetari i Aleancës së Ardhmërinë e Kosovës, Ramush Haradinaj, ka reaguar për ngjarjen në veri të Kosovës, ku është vrarë një polic dhe dy të tjerë kanë ngelur të plagosur. 

Haradinaj e ka quajtur sulm terrorist ngjarjen dhe si një goditje e rëndë mbi paqen dhe stabilitetin jo vetëm në Kosovë, por edhe në rajon.

Haradinaj ka shkruar se Beogradi duhet të “heqë dorë nga veprimet e veta destabilizuese e luftënxitëse me pasoja të paparashikueshme jo vetëm për Kosovën por edhe për Serbinë”.

“Ky sulm terrorist është goditje e rëndë mbi paqen dhe stabilitetin jo vetëm në Kosovë, por edhe në rajon! Beogradi duhet që urgjentisht të heqë dorë nga veprimet e veta destabilizuese e luftënxitëse me pasoja të paparashikueshme jo vetëm për Kosovën por edhe për Serbinë. Është investuar shumë për paqen dhe askush nuk do të lejohet ta rrezikojë atë”, shprehet Haradinaj.

Ai fton organet si KFOR-in dhe aleatët e sigurisë që të ndërmarrin të gjitha veprimet e nevojshme për ta zbardhur këtë situatë dhe për të sjellë autorët para drejtësisë.

“Ftoj organet tona të rendit për bashkërendim të veprimeve me KFOR dhe aleatët tanë të sigurisë të prirë nga Amerika, dhe të ndërmarrin të gjitha veprimet e nevojshme për ta zbardhur gjithë këtë situatë dhe për të sjellë para drejtësisë përgjegjësit e këtij akti. Rendi dhe ligji s’ka alternativë! Ngushëllime për familjen e policit që humbi jetën dhe shërim të shpejtë për policin e plagosur", shprehet Haradinaj.

 

 

 

Lajmet e fundit nga