web counter
LEXO PA REKLAMA!

SHKARKO APP

App Store
Google Play

I akuzuar për ryshfet/ Menendez jep dorëheqjen si kryetar i Senatit Amerikan për Marrëdhëniet me Jashtë

23 Shtator 2023, 12:00, Kosova & Bota CNA

I akuzuar për ryshfet/ Menendez jep dorëheqjen si kryetar i Senatit

Një senator veteran amerikan ka dhënë dorëheqjen përkohësisht si kryetar i Senatit Amerikan për Marrëdhëniet me Jashtë, pasi po përballet akuzat për ryshfet.

Bëhet fjalë për senatorin demokrat nga New Jersey, Robert Menendez.

Ai dhe bashkëshortja e tij Nadine Menendez, janë akuzuar nga prokuroria e Manhatanit për marrje ryshfeti.

Aktakuza lidhet me marrëdhëniet e dyshuara korruptive, me tre biznesmenë nga Nju Xhersi.

Sipas zyrës së Prokurorit të Manhatanit, senatori dhe bashkëshortja e tij, akuzohen se kishin pranuar me mijëra dollarë në formë ryshfeti, në këmbim të përdorimit të pushtetit dhe ndikimit të zotit Menendez si senator, për t’u ofruar mbrojtje, si dhe përfitime biznesmenëve dhe qeverisë së Egjiptit.

Prokurorët thonë se ata kanë marrë para, kallëpë ari, pagesa për një kredi për shtëpi, kompensime monetare punë minimale, një automjet luksoz dhe sende të tjera me vlerë.

Menendez dhe bashkëshortja e tij Nadine, me të cilën senatori u martua në viti 2020, përballen me nga tre akuza penale secili.

Nuk dihet nëse Menendez do të rikandidojë për postin e senatorit vitit e ardhshëm, pasi çështja e ngritur ndaj tij mund t’i komplikojë përpjekjet e demokratëve për të zgjeruar shumicën e tyre në Senat, të përbërë nga 100 anëtarë./ CNA





Lajmet e fundit nga