web counter
LEXO PA REKLAMA!

SHKARKO APP

App Store
Google Play

Presidenti portugez, batutë “seksiste” me të renë/ “Vajza më e mirë se nëna, ia keni parë dekoltenë”

21 Shtator 2023, 15:47, Kosova & Bota CNA
Presidenti portugez, batutë “seksiste” me të renë/
Presidenti i Portugalisë, Marcelo Rebelo de Sousa

Presidenti i Portugalisë, Marcelo Rebelo de Sousa, është akuzuar për seksizëm pasi bëri një koment të pavend për dekoltenë e një vajze.

Marcelo Rebelo de Sousa po bënte një shëtitje gjatë vizitës së tij zyrtare në Toronto, ku disa qytetarë e përshëndetën.

Nënë e bijë u afruan pranë presidentit dhe i thanë se ishin me origjinë portugeze dhe të dyja quheshin Maria.

74-vjeçari me batutë i tha se vajza ishte më e bukur se nëna dhe se mund ta sëmurej me grip për shkak të dekoltesë së hapur.

“Vajza është më e bukur se nëna. Por vajza mund të infektohet me grip. E keni parë dekoltenë e saj?”, tha ai duke qeshur.

Por këto komente të Marcelo Rebelo de Sousa shkaktuan polemika në Portugali, duke e detyruar Kreun e Shtetit, i cili është i njohur për pikëpamjet e tij konservatore, të dalë me një reagim. 

“Nuk ishte një koment seksist. Unë nuk e mendoj kështu dhe as e reja apo nëna e saj. Nuk ishte aspak seksiste”, tha ai.

Presidenti portugez tha se batuta ka shkëmbyer edhe me qytetarë të tjerë, por në rrjet i është hedhur vetëm ky moment, i cili është përkthyer si seksizëm./ CNA





Lajmet e fundit nga