E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

U pushtua nga flakët/ Kush është industrialisti i "Deutsch Color", Luan Muça?

24 Shtator 2023, 12:55, Aktualitet CNA

U pushtua nga flakët/ Kush është industrialisti i "Deutsch

Një zjarr i përmasave të mëdha përfshiu mbrëmjen e djeshme fabrikën e bojërave 'Deutsch Color' në autostradën Tiranë-Durrës, në Maminas.

Fabrika që u dogj është në pronësi të biznesmenit Luan Muça, i lindur në 5 gusht të vitit 1971 në qytetin e Elbasanit.

Puna dhe bizneset e Luan Muçës:

Luan Muça e nisi si kompani lokale, kurse sot kompanitë e tij eksportojnë në shume vende të botës duke faturuar 240 milionë euro në vit. Ai është një nga industrialistët dhe CEO shqiptar i cili ka arritur të ndërtojë 5 fabrika në 3 kontinente; Evropë, Afrikë, Azi.

Fabrika “Deutsch Color” është cilësuar si më e madhja në Ballkan për sa i përket prodhimit të produkteve kimike të industrisë së ndërtimit.

Prej 4 vitesh vepron dhe në SHBA, ku është kthyer në një nga distributorët më të mëdhenj për zonën e New York, New Jersey dhe Philadelphia.

Në 2012 themeloi fabrikën “Deutsch Color” në Shqipëri e cilësuar si më e madhja në Ballkan për sa i përket prodhimit të produkteve kimike të industrisë së ndërtimit.

Që prej vitin 2019, “Deutsch Color” është prezent me fabrikën e saj edhe në Kairouan, Tunizi e cila mbulon nevojat e tregut afrikan falë teknologjisë dhe stafit të kualifikuar perëndimor.

Në vitin 2021, kur çdo biznes ishte i tërhequr për të bërë investime të reja, shkak ky i vitit pandemik, Luan Muça vendosi të investojë në Bergamo të Italisë me ndërtimin e fabrikës ku nga ai moment vendosi t’i quajë DC Industry.

Në shtator të 2022 nisi prodhimi i fabrikës DC Industry në Bergamo, Itali, e cila ka krijuar një portofol prej 1200 klientësh.

Edhe në Afrikë ka nisur themelimin e DC Industry në Senegal e cila njihet si një nga fabrikat më moderne dhe më e madhja në atë shtet.

Dy projekte te reja në konstruksion e sipër janë dhe Dc Industry Egjipt me një investim prej 25 milionë eurosh i cili pritet të përfundojë në nëntor 2023, dhe Dc Industry Indi i cili pritet të nisë prodhimin në vitin 2024./ CNA