web counter
LEXO PA REKLAMA!

SHKARKO APP

App Store
Google Play

Viktimizohet Vuçiç: Kemi frikë se shqiptarët kanë vrarë serbin e katërt

24 Shtator 2023, 20:54, Kosova & Bota CNA
Viktimizohet Vuçiç: Kemi frikë se shqiptarët kanë
Presidenti i Serbisë, Aleksandër Vuçiç

Presidenti i Serbisë, Aleksandër Vuçiç, ka ngritur pretendimet se në Banjskë të Zveçanit mund të jetë vrarë edhe një serb i katërt.

Ai tha gjatë konferencës për mediat se policia e Kosovës ka sulmuar brutalisht serbët, të cilët sipas tij janë vrarë me snajpera.

Vuçiç deklaroi se kanë monitoruar aksionin e policisë dhe kanë siguruar incizime ku ata qeshin me njëri-tjetrin dhe tallen me vdekjen e serbëve.

“Nuk dua të arsyetoj në asnjë mënyrë vrasjen e policit shqiptar. Kjo është për t’u gjykuar. Kurti është organizatori kryesor i kaosit në Kosovë. Ka këtu një gjë të pabesueshme, për vetëm 1 orë e 20 minuta, ata dhjetra serbë, ishin nën rrethimin e plotë të shqiptarëve. U bë një sulm brutal ndaj serbëve dhe bëmë pyetjen pse nuk e bëri këtë KFOR se mund të kishte më pak viktima.

3 serbë nga Kosova kanë vdekur nga zjarri i snajperit nga një largësi e madhe ku nuk ka pasur nevojë që të likujdohen. Kemi frikë se ka vdekur dhe një i katërt. Ne e kemi monitoruar çdo gjë që ka bërë policia shqiptare dhe po presim që t’i ofrojmë ato dëshmi.

Ne kemi inicizime zanore që policët shqiptarë qeshin dhe thonë “le t’i lëmë të vdesin”. Kemi xhirime që e vërtetojnë një gjë të tillë. Presim që këtë ta konfirmojë dikush. Ata shfrytëzuan snajperë dhe qëlluan dhe në shtëpi private ku nuk ishte askush, ishin të moshuar aty. Manastiri dhe kisha në asnjë mënyrë nuk janë përfshirë në këtë situatë”, theksoi presidenti serb./ CNA





Lajmet e fundit nga