web counter
LEXO PA REKLAMA!

SHKARKO APP

App Store
Google Play

E fundit!

x

Në arrati prej 30 vitesh/ Ndërron jetë bosi i Cosa Nostra-s

25 Shtator 2023, 07:52, Kosova & Bota CNA

Në arrati prej 30 vitesh/ Ndërron jetë bosi i Cosa Nostra-s

Pas një agonie disaditore, vdiq në spitalin e L'Aquila, bosi i mafies së Cosa Nostra-s, Matteo Messina Denaro, i arrestuar në janar pas 30 vitesh në arrati.

Bosi mafioz 62-vjeçar vuante nga një formë e rëndë e kancerit të zorrës së trashë, e cila u diagnostikua ndërsa ishte ende në kërkim në fund të vitit 2020.

Një ekip onkologësh dhe infermierësh nga spitali i Abruzzo-s e ndoqën vazhdimisht pacientin, i cili ishte në gjendje shumë të rëndë.

Në 9 muajt e paraburgimit, kumbari i Castelvetrano iu nënshtrua dy operacioneve kirurgjikale të lidhura me ndërlikimet e kancerit. Ai nuk arriti të rikuperohej, aq sa mjekët vendosën të mos e kthenin përsëri në burg, por ta trajtonin në një dhomë të sigurisë maksimale në spital, duke e trajtuar me terapi.

Para se të humbiste ndjenjat, ai takoi disa anëtarë të familjes dhe i dha mbiemrin vajzës së tij Lorenza Alagna, të cilën e kishte fshehur dhe nuk e kishte njohur kurrë.

Të premten, në bazë të testamentit të lënë nga bosi i mafies që refuzoi trajtimin agresiv, iu ndërpre dieta dhe u shpall në koma të pakthyeshme.





Lajmet e fundit nga