E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Meta, i prerë: E papranueshme deklarata e Vuçiçit pas sulmit në Kosovë

26 Shtator 2023, 15:00, Aktualitet CNA

Meta, i prerë: E papranueshme deklarata e Vuçiçit pas sulmit

Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, në një deklaratë për mediat ka kritikuar deklaratën e Presidentit serb Aleksandër Vuçiç pas sukmit të ndodhur në Kosovë.

Ai tha se një deklaratë e tillë është e papranueshme.

“Njëkohësisht dua të vlerësoj si të papranueshme deklaratat e presidentit Vuçiç, i cili publikisht deklaroi edhe pas këtij sulmi se nuk do ta njohë kurrë, as në mënyrë formale dhe as në mënyrë informale Kosovën, si shtet sovran dhe i pavarur. Kjo deklaratë e tij e bërë menjëherë pas këtij sulmi kriminal, është një provë e qartë e mungesës së plotë të vullnetit për një dialog të sinqertë mes Kosovës dhe Serbisë, dialog i cili do t’i jepte zgjidhje shumë problemeve të mbetura pezull. Presidenti i Serbisë për fat të keq është vendosur në anën e minuesve të këtij dialogu në funksion të qëllimeve tij politiko-nacionaliste, që nuk i shërbejnë aspak paqes dhe stabilitetit në rajonin tonë si dhe normalizimit të marrëdhënieve midis Kosovës dhe Serbisë."

Madje Meta u shpreh se ngjarjet e dhunshme të ditëve të fundit, janë dëshmi e hidhur e qëndrimeve të vjetra të Beogradit.

“Ngjarjet e dhunshme të ditëve të fundit, janë dëshmi e hidhur e qëndrimeve të vjetra të Beogradit, të cilat pengojnë të ardhmen Evropiane të rajonit tonë, ndërkohë që firmosja e marrëveshjes së Brukselit dhe Aneksit të Ohrit si dhe zbatimi i tyre me rigorozitet në terren, do të ishin përgjigjja më e mirë për të ardhmen europiane të Serbisë të Kosovës dhe të gjithë rajonit.”

Sipas tij është e qartë se veprimtaria në Kosovë ka si qëllim të vetëm destabilizimin e situatës dhe krijimin e një tensioni të përhershëm.

“Kosova ka përjetuar këto ditë tension të madh, për shkak të sulmeve të orkestruara dhe kriminale ndaj policisë dhe sigurisë publike të saj. Është tashmë shumë e qartë, që kjo veprimtari kriminale ka si qëllim të vetëm destablizimin e situatës dhe krijimin e një tensioni të përhershëm.

Ne të gjithë jemi të tronditur nga pamjet e arsenalit luftarak tepër të madh të agresorëve, të sekuestruar tashmë nga forcat e policisë së Kosovës, që janë provë e pakundërshtueshme e një veprimtarie kriminale të mirëmenduar dhe të mirëorganizuar për qëllime të larta politike.”

Për kreun e PL-së aktet e dhunshme ishin realisht sulme ndaj autoriteteve legjitime të Kosovës.

“Këto akte të dhunshme ishin realisht sulme ndaj autoriteteve legjitime të Kosovës dhe për të dobësuar sundimin e ligjit në Kosovë. Megjithë situatën shumë të komplikuar, duhet të përshëndes edhe një herë qëndrimin profesional dhe të vendosur të policisë dhe të qeverisë së Kosovës, që arritën të neutralizojnë këto sulme të dhunshme kriminale dhe të rivendosnin rendin publik në një kohë shumë të shpejtë.”

“Edhe një herë Partia e Lirisë, mbështet plotësisht Presidenten, Kryeministrin dhe të gjitha institucionet në Kosovë, në veprimtarinë e tyre për garantimin e rendit, sundimit të ligjit dhe ruajtjes së sovranitetit në çdo pjesë të territorit të Republikës së Kosovës.”, tha Meta./ CNA