web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu, me pedagogët e Universitetit të Durrësit: Diploma dyfishe me programe në gjuhë të huaj dhe profilizim i universiteteve

26 Shtator 2023, 12:48, Aktualitet CNA
Manastirliu, me pedagogët e Universitetit të Durrësit: Diploma
Ogerta Manastirliu në takim me pedagogët

Ministrja e Arsimit dhe Sportit, Ogerta Manastirliu, nisi nga Durrësi turin e dëgjesave me universitetet në kuadër të çeljes së vitit të ri akademik.

Ajo tha se duhet të fillohet që së shpejti të ketë programe nga cikli i parë deri në ciklin e tretë në anglisht në mënyrë që këto diploma vërtetë janë diploma dyfishe.

"Bashkëpunimi, dialogu me ju dhe ndërveprimi proaktiv i përbashkët, është shumë i rëndësishëm, në mënyrë që ne të arrijmë sa më shumë programe, të cilat janë të ndërkombëtarizuara, të jenë programe të cilat të kenë diploma dyfishe, dhe programe në gjuhë të huaj. Ne duhet të fillojmë shumë shpejt, që të kemi programe nga cikli i parë deri në ciklin e tretë në anglisht, është një emergjencë për të gjithë universitetin, në mënyrë që këto diploma vërtetë janë diploma dyfishe, por të jenë të njohura në 100% të kurrikulës për t’u mësuar në gjuhën e huaj",- theksoi ministrja Manastirliu.

Sipas Manastirliut, universitetet duhet të kthehen realisht në bërthama të kërkimit shkencor.

"Duhet të bëhet një vlerësim, që do të bëhet së bashku me ju, i programeve ekzistuese për profilizimin e universiteteve. Ne po shohim sot që regjistrimet në kuadër të kuotave që ju keni parashikuar dhe që ne ju kemi dhënë, nuk janë në 100% të plotësimit të tyre, ndaj duhet bërë një vlerësim se si mund të ketë më përputhshmëri, se si mund të përmirësohen. Universitetet duhet të kthehen realisht në bërthama të kërkimit shkencor”, – tha Manastirliu./ CNA





Lajmet e fundit nga