LEXO PA REKLAMA!

SHKARKO APP

E fundit!

x

Abuzimet me kontratat e koncesionit në shëndetësi/ Grupi parlamentar i PD-së dorëzon kërkesën për ngritjen e komisionit hetimor

26 Shtator 2023, 11:43, Aktualitet CNA

Abuzimet me kontratat e koncesionit në shëndetësi/ Grupi

Deputetja e Partisë Demokratike, Albana Vokshi, në një deklaratë për mediat bëri me dije se janë mbledhur firmat e deputetëve për ngritjen e një komisioni hetimor që do të shqyrtojë abuzimet me 4 koncesionet në shëndetësi.

Vokshi së bashku me kryetaren e Komisionit të Shëndetësisë Zheni Gjergji dorëzuan sot në emër të Grupit Parlamentar kërkesën për ngritjen e komisionit hetimor për 4 kontratat koncesionare në fushën e shëndetësisë.

Ajo u shpreh se hartuesi i skemës së koncesioneve është Ilir Beqaj, kryepërgjegjësi Edi Rama dhe zbatuesja Ogerta Manastirliu, por sipas saj, edhe pse duhet të dilnin para drejtësisë asnjëri nga ata nuk është as nën hetim.

“Neni 7 e detyron ngritjen e një komisioni hetimor. Ne kemi arritur të marrim firmat e deputetëve për ngritjne e komisionit për PPP në mënyrë që të zbardhim abuzimet e mëdha në sektorin e shëndetësisë. Sot qytetarët jo vetëm që nuk marrin shërbim shëndetësor falas, por paguajnë për çdo shërbim. Shërbimet kirurgjikale në shumë raste nuk jepen. Beteja për të zbardhur korrupsionin do të vazhdojë. Duan të mbajnë të fshehtë abuzimet marramendëse në këto koncensione. Shumë pak na kanë besuar kur e nisëm këtë betejë në 2013-2014. Ia dolëm që denoncimet në shëndetësi t’i kthenim në çështje kombëtare. Hartuesi i skemës së koncensioneve, Ilir Beqja, kryepërgjegjësi Edi Rama dhe zbatuesja Ogerta Manastirliu nuk janë as nën hetim.”/ CNA

Lajmet e fundit nga