LEXO PA REKLAMA!

SHKARKO APP

Breshëri shkatërron qindra hektarë me mollë në juglindje

26 Shtator 2023, 10:58, Aktualitet CNA
Breshëri shkatërron qindra hektarë me mollë në
Mollë të dëmtuara nga breshëri


Qatromi është një ndër fshatrat më të prekur nga breshëri. Ditën e djeshme breshëri shkaktoi dëme katastrofike për fermerët e kësaj zone ku dëmtime u konstatuan në të gjitha sipërfaqet me mollë.

"Situata është shumë keq, nuk ka asgjë për të vjelë. Nuk e di si do vejë kjo punë. Shpenzimet më kanë shkuar deri në 30 milionë. Nuk e di çfarë të them, asnjëherë nuk kam marrë subvencionim nga shteti", u shpreh një fermer.

Teksa fermerët e kësaj zone po bëheshin gati për të vjelë prodhimin duke gjetur edhe treg me çmim të leverdisshëm ata u përballën me këtë fatkeqësi natyrore.

Sipas banorëve dëmi u shkaktua në mosmarrjen dot as të të ardhurave që ata investuan, e me pas të prodhimi i cili u shkatërrua totalisht. Molla tashmë sipas fermerëve mund të tregëtohet vetëm për lëngje me çmime thuajse nën kosto.

Krahas Qatromit të prekur sipas raportimeve janë edhe pjesa më madhe e fshatrave të Devollit dhe Maliqit./CNA

 

Lajmet e fundit nga