web counter
LEXO PA REKLAMA!

SHKARKO APP

App Store
Google Play

E fundit!

x

Kontrolle nga ajri dhe toka në veri/ Mbi 2 mijë efektivë në terren, sekuestrohen mijëra rrënjë kabanis

25 Shtator 2023, 14:13, Aktualitet CNA

Kontrolle nga ajri dhe toka në veri/ Mbi 2 mijë efektivë në

Policia ka zhvilluar kontrolle nga ajri dhe toka për gjetjen dhe asgjesimin e bimëve narkotike. 

2 000 punonjës policie, dhjetëra dronë dhe helikopterë, kanë qenë pjesë e aksioneve për të rikontrolluar territorin.

Gjatë operacionit "Alpe të Pastra" të zhvilluar javën e kaluar në qarqet, Shkodër, Krujë, Lezhë dhe Tropojë janë sekuestruar 3155 bimë narkotike.

Përkatësisht në fshatrat Gjuraj, Kasnec, Brashtë, Nenmavriq, Lekaj, Nicaj, Ndërlysaj, Çilkok, Plan dhe Kir, të bashkisë Shkodër u gjetën 2856 bimë.

Në fshatrat Kroni i Madh dhe Qerret, të bashkisë Vau i Dejës u gjetën 219 bimë ndërsa 80 bimë janë gjetur në fshatin Armiraj të bashkisë Fushë Arrëz.

Në malësinë e Krujës, në kuadër të fazës së 39-të të operacionit policor të koduar “Territor i pastër”, janë gjetur dhe asgjësuar 1485 bimë narkotike.

Në qarkun Lezhë, në kuadër të fazës së 40-të të operacionit policor të koduar “Imazhi”, janë asgjësuar në total 570 bimë të dyshuara narkotike cannabis sativa.

Përkatësisht: 220 bimë narkotike janë gjetur në fshatin Zhejë ndërsa 82 bimë janë gjetur në fshatin Skuraj, të njësisë administrative Mamurras.

268 bimë narkotike janë gjetur në fshatin Gërnac të njësisë administrative Milot.

Në Tropojë, në kuadër të fazës së 11-të të operacionit të koduar “Bjeshkët e Nemuna”, janë gjetur dhe asgjësuar 31 bimë të dyshuara narkotike cannabis sativa./CNA





Lajmet e fundit nga