web counter
LEXO PA REKLAMA!

SHKARKO APP

App Store
Google Play

E fundit!

x

Keqardhje për Kukësin”, Gjekmarkaj: Fajtori më i madh për humbjen ai që nuk e pranon fajin  

25 Shtator 2023, 11:25, Aktualitet CNA

Keqardhje për Kukësin”, Gjekmarkaj: Fajtori më i madh

Deputeti i Partisë Demokratike, Agron Gjekmarkaj, ka reaguar për rezultatin në zgjedhjet për kandidat bashkie në Kukës.

Gjekmarkaj thotë se është humbja e fundit në një seri që s’ka të ndalur.

Ai shprehet: “Të gjithë jemi fajtorë, por fajtori më i madh është ai ose ata që nuk e pranojnë fajësinë”.

“Keqardhje për humbjen e thellë të demokrateve në Kukës të cilët kurrsesi nuk e meritonin. Kjo është humbja e fundit në një seri që s’ka të ndalur. Të gjithë faktorët opozitarë duhet  të mendojnë për përgjegjësitë seriozisht dhe alternativat për të dalë nga kjo situatë.

Prej kohesh kam insistuar në faktin që shoqëria nuk vjen tek ne me këtë lloj opozitarizmi që bëjmë sot dhe alternative pushteti që shfaqim para tyre për nesër. Kush i shmanget këtij realiteti dëshiron që ky realitet të përjetësohet. Nuk e zgjidh problemin kërkimi i fajit tek tjetri  duke përjashtuar veten.

Vetëviktimizimi i perhershem tek e fundit është sëmundje mendore ose hipokrizi. Të gjithë jemi fajtor por fajtori  më i madh është ai ose ata që nuk e pranojnë fajësinë. Persa me përket mua ndjesë demokrateve duke ju garantuar që nuk do resht së thëni të vërteten edhe kur ajo djeg”, shkruan Agron Gjekmarkajt në rrjetet sociale.

 





Lajmet e fundit nga