LEXO PA REKLAMA!

SHKARKO APP

Planifikoi të vriste 3 persona në një lokal/ Prangoset 41-vjeçari në Pogradec

24 Shtator 2023, 13:44, Aktualitet CNA
Planifikoi të vriste 3 persona në një lokal/ Prangoset
Momenti i shoqerimit në polici

Një 41-vjeçar në Pogradec, i cili ishte në kërkim pasi akuzohet se ka planifikuar vrasjen e 3 personave ka rënë në prangat e policisë.

I arrestuari është Lorenc Kuqo, 41 vjeç, banues në fshatin Rëmenj, Pogradec.

Gjykata e Lartë e ka dënuar me 7 vjet e 3 muaj burgim, për veprat penale "Sigurimi i kushteve dhe i mjeteve materiale për të kryer vrasje" dhe "Mbajtja pa leje dhe prodhimi i armëve, armëve shpërthyese dhe i municionit", nga të cilat i kanë mbetur për të vuajtur 3 vjet e 3 muaj. 

Si ndodhi ngjarja?

Më datë 25.04.2017, 41-vjeçari, pas konflikteve për motive të dobëta me 3 shtetas, kishte planifikuar që t'i vriste ata.

Ndërhyrja në kohë e Policisë, parandaloi ngjarjen e rëndë, që ishte planifikuar të ndodhte në ambientet e një lokali. Në cilësinë e provës materiale u sekuestruan 1 automatik kallashnikov, 1 automjet dhe 1 kapuç (maskë), që i posedonte shtetasi Lorenc Kuqo.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA

Lajmet e fundit nga