web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ RENEA rrethon Shkodrën nga ajri dhe toka, dhjetëra efektivë në terren, asgjësohen parcela me drogë

7 Shtator 2023, 10:08, Aktualitet CNA

VIDEO/ RENEA rrethon Shkodrën nga ajri dhe toka, dhjetëra

RENEA ka rrethuar Shkodrën nga ajri dhe toka. Me dhjetëra efektivë të policisë kanë zbarkuar në terren ku kanë zhvilluar një operacion antikanabis.

Falë megaoperacionit policor të koduar “Fly” u asgjësuan në total, nëpërmjet djegies, 12 831 bimë narkotike cannabis sativa.

Megaoperacioni u zhvillua nga Drejtoria Vendore e Policisë Shkodër, në bashkëpunim me Repartin Special RENEA dhe me FNSH-të Tiranë dhe Fier.

Në këtë megaoperacion, nga ajri u angazhuan 50 efektivë të repartit RENEA dhe nga toka, 500 efektivë të DVP Shkodër, të komisariateve në varësi të saj dhe të FNSH-ve Tiranë dhe Fier.

Efektivët e repartit RENEA janë transportuar me helikopter, pasi bimët e kultivuara ishin në një terren shumë të thellë malor dhe me rrezikshmëri të lartë për jetën e punonjësve të Policisë.

Përkatësisht asgjësimi është bërë si më poshtë:

-Gjatë megaoperacionit, nga ajri, morën pjesë efektivët e repartit “RENEA”dhe grupe hetimore. Efektivët e RENEA-s, me anë të helikopterit, mundën të mbërrinin në vende të ndryshme, në territorin e fshatit Palaj, njësia administrative Shosh, ku ishin kultivuar bimë narkotike cannabis sativa. Nga këto zona, Policia asgjësoi nëpërmjet djegies, 2220 bimë narkotike cannabis sativa. 

-Në vijim, gjatë këtij megaoperacioni, nga toka, shërbimet e DVP Shkodër, të komisariateve të Policisë në varësi të saj dhe të FNSH-ve Tiranë dhe Fier, nga terrene të vështira malore në Mnelë, Shllak, Temal, Vilzë, Prekal, Ura e Shtrenjtë, Kir dhe Ana e Malit, asgjësuan 10 611 bimë narkotike cannabis sativa.

Ishte Ministri i Brendshëm Taulant Balla përgëzoi policinë për operacionin e suksesshëm./ CNA





Lajmet e fundit nga