web counter
LEXO PA REKLAMA!

SHKARKO APP

App Store
Google Play

“Më 14 maj, 600 mijë shqiptarë votuan të lirë”, Berisha: Të ngrihemi! Rama nuk i fiton zgjedhjet

6 Shtator 2023, 12:07, Aktualitet CNA

“Më 14 maj, 600 mijë shqiptarë votuan të

Ish-kryeministri Sali Berisha thotë se në zgjedhjet e 14 majit vetëm 600 mijë shqiptarë pranuan të votojnë të lirë.

Gjatë fjalës së tij ai tha se libri, i cili shpalos shkeljet e bëra më 14 maj është një kushtrim për t'u ngritur.

Berisha u shpreh se Rama nuk i fiton zgjedhjet, por nuk i lë shqiptarët të votojnë.

“Me vendim qeverie vendosi t’u dërgojë pensionistëve zarfin në kundërshtim me ligjin. Me vendim qeverie shpalli rritje rrogash në mes të fushatës elektorale, shpërndau miliona e miliona para për tërmetin. Në Peshkopi shpërndau miliona për personat me aftësi ndryshe. Nuk regjistroi partinë kryesore opozitare në listë. Ky libër është për të gjithë shqiptarët. Me gjithë këtë batërdi 600 mijë shqiptarë pranuan të votojnë të lirë. Cili mund të thotë se rritja e rrogave për 184 mijë rrogtarë, shtimi me 20 mijë i ndihmës ekonomike, milionat e shpërndara për tërmetin, milionat për asfalt nuk kanë blerë 100 apo 200 mijë vota. Ata që u bien sirenave se Edi Rama nuk vjedh, por i fiton, firmosin një akt makabër. Ky libër është një kushtrim për t'u ngritur. 600 mijë kanë votuar si idealistë. Rama nuk i fiton zgjedhjet, por është shndërruar në një shqiptar që nuk i lë ata të votojnë. Librin ta shpërndajmë në 4 anët e Shqipërisë dhe botës, por me qëllimin që të ngrihemi.”/ CNA





Lajmet e fundit nga