web counter
LEXO PA REKLAMA!

SHKARKO APP

App Store
Google Play

Denoncimi i fortë/ Prokurori i qeverisë merrte topat me euro nga kazinotë e Pëllumb Gjokës

6 Shtator 2023, 13:01, Aktualitet CNA

Denoncimi i fortë/ Prokurori i qeverisë merrte topat me euro nga

Ish-kryeministri Sali Berisha ka bërë një denoncim mjaft të fortë ndaj prokurorit Edvin Kondili.

Sipas Berishës, biznesmeni Pëllumb Gjoka do ta emëronte në krye të SPAK-ut, pasi ashtu siç deklaron ish-kryeministri, Kondili dërgoi dosjen e Bajrajve në Shkodër, bashkë me një tjetër dhe shpallën se këta nuk janë organizatë kriminale.

Lideri i demokratëve gjatë fjalimit të tij në prezantimin e librit për manipulimet e kryera në zgjedhjet e 14 majit, tha se badigardi i Gjokës i rrinte mbrapa në kazino Kondilit me topat e eurove.

“Do t'ju jap një sugjerim. I lexoni me qetësi dhe reflektim transkriptimet e dosjes ‘Metamorfoza’ që botojnë media. Çfarë tregojnë ato. Tregojnë se strategjia e Edi Ramës, ‘hëngshin kokën e njëri-tjetrit’ është bërë strategji e shtetit. Nuk ka më kufi mes vrasësit të paguar, dorasit, hjekësit dhe shtetit.

Do t'ju jap vetëm një fragment. Pëllumb Gjoka i thotë Behar Bajrit: Pyete atë nëndrejtorin pse më arrestoi mua djalin e xhaxhait. E kishte fjalën për grupe. Pyete kush e nxiti. Behari i përgjigjet: Po po do ta pyes dhe do ta fus në borxh rëndë. Do të thotë se do t'i japë 1 mln.

Nëse kthehemi te direktiva e atij që është krimministër që thotë ‘kokat t'i hanë njëri-tjetrit’ nëndrejtori i Policisë së Shkodrës nuk po bën asgjë tjetër veç se po zbaton direktivën kryeministrore, po krijon mundësinë që ata të vrasin njëri-tjetrin.

Por ata janë me lista. Dhe në atë listë që do të lexoni, nuk janë më. Kush ishte Pëllumb Gjoka? Pëllumb Gjoka ishte mik për kokë me Edi Ramën.

Tani do t'ju them edhe një gjë. Pëllumb Gjoka po emëronte kryetarin e SLAP-it. Po. Sepse Kondili që dërgoi dosjen e Bajrajve në Shkodër, bashkë me një tjetër, shpallën se këta nuk janë organizatë kriminale. Për Xhevahirin dihet, i çoi në Shkodër për t'i liruar. Mori 1 mln euro. Po sa mori Kondili? E dinë kazinotë e Pëllumb Gjokës.

Kondilin të cilin badigardi i Pëllumb Gjokës, sipas disa akuzave i rrinte mbrapa në kazino, për t'i dhënë topat me euro, do të na dilte nga Edi Rama kryetar i SKAP-it.

Ndaj them se kjo shoqëri, vegjeton, jeton, fle mbi krimin, zgjohet mbi krimin. Po pse të gjitha këto. Të gjitha këto kanë një raport fatal në themel dhe ky raport fatal është se krimi shndërrohet në votë dhe vota në krim. Kurrë kjo nuk mund të ndodhte ndryshe”, tha Berisha ./ CNA





Lajmet e fundit nga