LEXO PA REKLAMA!

SHKARKO APP

Inceneratorët/ Lefter Koka heq përgjegjësitë nga vetja: Kontratën e nënshkrova si titullar, jo si vendimmarrës

6 Shtator 2023, 12:47, Aktualitet CNA

Inceneratorët/ Lefter Koka heq përgjegjësitë nga vetja:

Ish-ministri i Mjedisit, Lefter Koka, po paraqet para gjykatës konkluzionet e mbrojtjes në çështjen e inceneratorit të Fierit.

Gazetarja Klodiana Lala bën me dije se Koka ka pretenduar se nuk ka kryer asnjë shkelje ligjore.

Sipas avokatit të ish-ministrit, Lefter Koka nuk ka pasur asnjë kompetencë vendimmarëse sa i takon çështjes së inceneratorëve.

Avokati ka theksuar se Koka ka nënshkruar kontratën si titullar dhe jo si vendimmarrës.

 “Ministri ka vetëm një kompetencë, urdhrin për ngritjen e komisionit për dhënien e koncesionit. I pandehuri Lefter Koka ka nënshkruar kontratën koncesionare si titullar, jo si vendimmarrës”, tha avokati Julian Mërtiri.

Më tej, avokati ka nënvizuar se Koka nuk ka asnjë kontakt me koncesionarët dhe se akuza nuk ka provuar as marrëveshje dhe as marrëdhënie parash.

 “Lefter Koka nuk ka asnjë kontakt me koncesionarët. Akuza nuk ka provuar as marrëveshje, as marrie-dhënie parash”, theksoi avokati.

Ndër të tjera, avokati i ka kaluar faturën Ministrisë së Financave duke thënë se ajo ka vlerësuar ligjshmërinë e procedurës dhe ka lëvruar fondet publike.

“Nëse do të kishte konstatuar probleme le ta kthente. Sipas mbrojtësit, gjithë procedura është shqyrtuar nga të gjitha institucionet përkatëse”, tha më tej avokati./ CNA

 

 

Lajmet e fundit nga