web counter
LEXO PA REKLAMA!

SHKARKO APP

App Store
Google Play

Ledio Braho votoi si përfaqësues i PL në KAS, a na e lexon dot Roland Bejko shpjegimin e asaj vote?

6 Shtator 2023, 14:48, Aktualitet CNA

Ledio Braho votoi si përfaqësues i PL në KAS, a na e lexon dot

Këshilli i Ankesave dhe Sanksioneve është detyruar nga Kolegji Zgjedhor të rimarrë në shqyrtim çështjen e ndarjes së komisionerëve dhe numëruesve në komisionet zonale të zgjedhjeve në Bashkinë Kukës.

Çështja iu rikthye KAS-it për shqyrtim nga Kolegji Zgjedhor, pasi KAS-i me shumicë votash kishte vendosur më parë të mos legjitimonte PD-në e Bashës si subjekt me të drejta ankimimi.

Ankimimi kishte lidhje me vendimin e Komisionerit Shtetëror të zgjedhjeve që i jepte PL-së të drejtat e caktimit të Komisionerëve.

Votat e Ledio Brahos, Koli Beles dhe Elvis Cefës në favor të PL-së së Ilir Metës, për moslegjitimimin e PD-së si subjekt ankimor, shtynë vendimmarrjen e KAS-it.

Ledio Braho votoi si përfaqësues i PL në KAS, a na e lexon dot

KAS pritet të rimarrë në shqyrtim çështjen dhe të dalë me vendim në favor apo kundër PL-së së Ilir Metës.

Përveç votës pro PL-së, të Koli Beles, bën përshtypje vota pro PL-së e Ledio Brahos, i cili është emëruar në KAS si njeri i Lulzim Bashës.

Lulzim Basha tentoi promovimin e Ledio Brahos në postin e Avokatit të Popullit, por siç u duk Basha nuk arriti të bindë mazhorancën për kandidaturën e avancuar prej tij.

Votimi i Ledio Brahos në favor të PL-së së Ilir Metës besohet se është porosi e Lulzim Bashës.

Mbase Roland Bejko do ketë më shumë arsye të investigojë për sa po ndodh në KAS, sa kohë që jo më larg se dje deklaroi se jep dorëheqjen nëse gjendet ndonjë bashkëpunim i fshehtë i Lulzim Bashës me opozitën që Bejko e quan "opozita e non gratave".

Versioni tjetër është ai sipas të cilit është vetë Ledio Braho që po gjen zgjidhjet e veta pragmatiste në gjullurdinë e numrave që kanë ngërthyer opozitën.

Ndonëse nuk duket si opsion shumë dinjitoz për bashkëpunëtorin Ledio Braho të Lulzim Bashës, ky version të paktën do shpëtonte bashkëpunëtorin Roland Bejko nga dorëheqja.

Luli ka mundësinë të zgjedhë kë do të shpëtojë. Nëse flet do dëgjojmë ç'do të na thotë.

Nëse hesht, mirëpresim dorëheqjen e zotit Bejko./ CNA





Lajmet e fundit nga