web counter
LEXO PA REKLAMA!

SHKARKO APP

App Store
Google Play

Rrëzimi i kërkesës së Braimllarit/ Katër "mercenarët" e oborrit të Ramës marrin vendimin e turpshëm në emër të KAS-it

20 Prill 2023, 14:59, Politikë CNA

Rrëzimi i kërkesës së Braimllarit/ Katër

Zëdhënësja e fushatës së koalicionit “Bashkë Fitojmë”, Floriana Garo, ka reaguar në lidhje me refuzimin e kërkesës së nënkryetarit të Partisë së Lirisë, Endrit Braimllari, për të vendosur emrin e Sali Berishës si drejtues të koalicionit.

Garo thekson se me urdhër të Edi Ramës, 4 mercenarët e tij, Ilir Rusmali, Elvin Lako, Koli Bele dhe Ledio Braho, në dhunim të parimeve më themelore kushtetuese e demokratike, u heqin partive opozitare të drejtën për ta zgjedhur.

“Ilir Rusmali, Elvin Lako, Koli Bele dhe Ledio Braho, katër mercenarë në oborrin e Ramës me qëllim trembjen e opozitës, kanë marrë një vendim në emër të KAS, Komisioni i Ankesave dhe Sanksioneve, që turpëron edhe letrën ku është hedhur.

Ata provuan se ata janë vrasës të parimeve themelore të zgjedhjeve të lira.

Ata i janë kthyer me një 'Jo' absurde, kërkesës legjitime dhe sovrane të n/kryetarit të Partisë së Lirisë, z. Endrit Braimllari, në emër të koalicionit 'Bashkë Fitojmë', që drejtues i koalicionit të ishte z. Sali Berisha.

Me urdhër të Edi Ramës, në dhunim të parimeve më themelore kushtetuese e demokratike, u heqin partive opozitare të drejtën për ta zgjedhur. Sipas tyre, atë duhet t’ua caktojë padroni i tyre, Edi Rama.

Arsyeja e vendimit është e qartë, dhe, nuk është as ligjore, as kushtetuese, as logjike dhe as morale. Duke ndjekur urdhrin dhe gjuhën që e përdorin përditë Rama dhe Brava-Alibashët, të tmerruar nga fitorja e opozitës, besojnë se, me një vendim të tillë mund t’i pengojnë ata.

Përpjekja për të minimizuar staturën e drejtuesit të koalicionit 'Bashkë Fitojmë', z.Sali Berisha, është asgjë më shumë sesa mjerimi i radhës. Që nga shtatori i para dy viteve, historia dhe përballja politike direkte, i ka gjykuar burrat dhe i ka provuar udhëheqësit.

Partia Demokratike, në emër të koalicionit 'Bashkë Fitojmë', e sheh këtë akt të fundit të paligjshmërisë dhe amoralitetit, si një ‘banalitet të së keqes’ që, duke u përsëritur, i bën dëm vetëm vetes.

Ne jemi bashkë më 14 maj dhe të vetmin aprovim që kërkojmë janë votat e shqiptarëve.

Rama dhe Alibasha, me gjithë mercenarët e tyre, janë e shkuara.

E ardhmja është në duart tuaja. Bashkë Fitojmë!”, u shpreh Floriana Garo./CNA.al





Lajmet e fundit nga