web counter
LEXO PA REKLAMA!

SHKARKO APP

App Store
Google Play

E fundit!

x

Çfarë përgjegjësie do të mbani nëse humbni në zgjedhje?/ E “dredh” Alibeaj

20 Prill 2023, 12:32, Politikë CNA
Çfarë përgjegjësie do të mbani nëse humbni
Kryetari i komanduar i PD-së, Enkelejd Alibeaj

Kryetari i komanduar i PD-së, Enkelejd Alibeaj, është shprehur se pas 14 majit PD do të fillojë procesin e riorganizimit dhe rinovimit.

I pyetur në "Abc News" për përgjegjësitë që do mbajë në rast se humb zgjedhjet, Alibeaj është shmangur duke quajtur një “fitore” marrjen e vulës.

 “Një gjë është e sigurt që do ndodhë pas 14 majit. Unë e thashë më parë dhe e them edhe tani, edhe për shkak të situatës që ka kaluar PD-ja, e pranoj që është situata anormale dhe posti i kryetarit është vakant dhe unë jam kryetar i komanduar. Pas zgjedhjeve, PD do t’i futet një procesi riorganizimi dhe rinovimi të saj, duke ruajtur vlerat e perëndimit, vlerat reale dhe ato të gjenezës, sigurisht që ky është proces do fillojë pas 14 majit.

Po qe për përgjegjësi, unë e them që tani: Ndodhi që më 25 mars, menjëherë pas dorëheqjen së Bashës, isha unë që të merrja përsipër drejtimin e PD-së. Ka qenë një situatë që kemi qenë nën agresion. Në ato kohë kishte një vendim të blerë në fakt të gjykatës, që Zhukri, ia dha në favor të PD-së.

Morëm partinë në një situatë, ku agresioni i Berishës mbi PD ishte më i madh se kurrë, ndërsa sot që flasim, Sali Berisha nuk ka asnjë lidhje me PD-në, edhe ligjërisht po të doni ju, edhe kjo është një meritë e vogël imja dhe kolegëve të mi, që e ruajtëm PD-në”, tha ai./ CNA.al





Lajmet e fundit nga