web counter
LEXO PA REKLAMA!

SHKARKO APP

App Store
Google Play

E fundit!

x

Balla “shigjeton” Metën dhe Berishën nga Patosi/ Kur ishin bashkë, skema e pensioneve falimentoi

19 Prill 2023, 19:11, Politikë CNA

Balla “shigjeton” Metën dhe Berishën nga Patosi/ Kur ishin

Kreu i grupit parlamentar të PS-së, Taulant Balla dhe drejtuesi politik i qarkut Fier ka zhvilluar një takim me banorët e lagjës “Naftëtari” në Patos.

Balla nëpërmjet një postimi në rrjete sociale ka sulmuar kreun e PL-së, Ilir Meta dhe ish-kryeministrin Sali Berisha , duke thënë se në kohën e tyre skema e pensioneve ishte në falimentim.

Sipas Ballës, kjo skemë është ringritur dhe dhe ka bërë të mundur dhënien e shpërblimeve për pernsionistet si dhe rritjen e indeksit të pensioneve me 11%.

"Patos. Sëbashku me Fation Duro zhvilluam një takim me banorë të lagjes “Naftëtari”, ku diskutuam për të gjitha punët që ne do të vijojmë të bëjmë në këtë bashki.

Ne nuk do të lëmë askënd mbrapa, do të mbrojmë ata që janë në nevojë, do të ndihmojmë familjet dhe të moshuarit, do të luftojmë për rritjen e mëtejshme të pagës minimale, për më shumë vende pune.

Kur Saliu dhe Iliri ishin bashkë skema e pensioneve ishte në falimentin, ne e ringritëm dhe sot kemi bërë të mundur që në janar t’u jepej një shpërblim, në prill gjithashtu, shpresojmë edhe në korrik e shtator si edhe shpërblimi në fundvit. Vetëm gjatë vitit të kaluar i kemi rritur dhe indeksuar pensionet me 11%.

Sali Berisha dhe Ilir Meta i premtojnë shqiptarëve të shkuarën, ndërsa ne i premtojmë të ardhmen", shkruan ai./CNA.al





Lajmet e fundit nga