web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj videomesazh për zgjedhjet/ Jam alternativa e vetme perëndimore, euroatlantike dhe atdhetare

19 Prill 2023, 19:24, Politikë CNA
Alibeaj videomesazh për zgjedhjet/ Jam alternativa e vetme
Kryetari i Komanduar i Partisë Demokratike, Enkelejd Alibeaj

Kryetari i Komanduar i Partisë Demokratike, Enkelejd Alibeaj i është drejtuar me një videomesazh qytetarëve për zgjedhjet vendore të 14 majit.

Alibeaj tha se ai do t’i prijë ringritjes si alternativa e vetme perëndimore, euroatlantike dhe atdhetare.

Ai i këroi qytetarëve që t’i japin votën kandidatëve të tij me pretendimin se ata do t’i japin Shqipërisë frymëmarrje.

Deklarata e Alibeajt:

Në fushatën elektorale më historike në jetën 33-vjeçare të Partisë Demokratike, kam përgjegjësinë dhe nderin t’i prij asaj drejt ringritjes si alternativa e vetme perëndimore, euroatlantike dhe atdhetare e qendrës së djathtë në Shqipëri.

Po, atdhetarizmi dhe euroatlantizmi janë një binom, janë e njejta gjë, ne kemi bërë këtë zgjedhje që është e vetmja e duhur, e vetmja e drejtë. Në PD nuk mund të fitojë alternativa joperëndimore.

Ka tri fushata elektorale në vendin tonë sot, njëra e Edi Ramës dhe e Partisë Socialiste për të çimentuar akoma më shumë korrupsionin në sistem.

Tjetra e Sali Berishës në aleancë me Ilir Metën për të zhdukur Partinë Demokratike perëndimore e për të marrë ata monopolin e një opozite që nuk i hapet asnjë derë në perëndim.

Fushata e tretë është fushata e Partisë Demokratike, dinjitoze në shfaqjen e saj, plot thelb dhe vizion. Jemi propozimi dhe alternativa e vetme e së djathtës moderne që është shenjë nga e ardhmja.

Ju bëj thirrje të gjithë njerëzve të lirë në këtë vend, jepini votën tuaj Partisë Demokratike dhe kandidatëve të saj më 14 maj, Shqipëria ka nevojë për frymëmarrje./ CNA.al





Lajmet e fundit nga