web counter
LEXO PA REKLAMA!

SHKARKO APP

App Store
Google Play

E fundit!

x

Projekti për nënkalimin në sheshin "Skënderbej"/ Këlliçi: Nëse nuk e realizoj në janar të 2024, jap dorëheqjen

20 Prill 2023, 10:51, Politikë CNA

 

Kandidati i koalicionit "Bashkë Fitojmë" për Tiranën, Belind Këlliçi, ka zbuluar detaje rreth projektit për nënkalimin që ka planifikuar të bëjë në sheshin "Skënderbej" për zgjidhjen e trafikut, nëse merr mandatin si kryebashkiak.

Këlliçi ka sqaruar se për këtë projekt nuk do të dëmtohet asnjë pllakë e sheshit aktual. Sipas tij, tuneli do të jetë prej 400 metrash dhe do të ketë katër korsi. Këlliçi thekson se kjo kërkon një kosto 4-4.5 milionë euro. 

“Ky është një investim që kërkon vullnet politik. Trafiku në Tiranë stres për qytetarë, ndot edhe ajrin. Zgjidhje perfekte me kosto minimale. Pas 14 majit do jem një administrator i bashkisë, nuk do jem gjitholog. Tirana, një ndër qytetet më të ndotura në Europë. S’do të dëmtojnë asnjë pllakë të sheshit aktual, do punojmë nëntokë. Do të ndërtojmë një tunel me 400 metra, me katër korsi. Kjo kërkon 4 deri në 4.5 mln euro për t’u zgjidhur”, tha Këlliçi.

Më tej ai është shprehur se nëse ky projekt nuk realizohet brenda datës 1 janar 2024, është i gatshëm të japë dorëheqjen.

 “Brenda datës një janar 2024 ky projekt do jetë realitet, nëse nuk ndodh jap dorëheqjen. 60% e trafikut në zemër të Tiranës do të zgjidhet”, tha Këlliçi./ CNA.al





Lajmet e fundit nga