web counter
LEXO PA REKLAMA!

SHKARKO APP

App Store
Google Play

Miratohen vendimet për rritjen e pagave/ Ibrahimaj: Ja si do të mblidhen fondet

20 Prill 2023, 10:14, Politikë CNA
Miratohen vendimet për rritjen e pagave/ Ibrahimaj: Ja si do të
Ministrja Delina Ibrahimaj

Ministrja e Financave, Delina Ibrahimaj, ka bërë me dije se Këshilli i Ministrave ka miratuar vendimet për rritjet e pagave.

E pyetur nga gazetarët se ku po i marrin paratë për rrijten e pagave, Ibrahimaj u shpreh se fondet janë parashikuar të mblidhen nga rritja e të ardhurave dhe nga rialokimet e brendshme.

Ministrja Ibrahimaj nënvizoi se synimi është që të ulet borxhi dhe deficiti.

 “Miratuam një projektligj të rëndësishëm, konkretisht për përcaktimin e pagave. Sot kemi filluar dhe miratuar disa projektvendime për rritjen e pagave për sektorin shëndetësor, arsimor dhe sigurisë, konkretisht për policinë e burgjeve, gardën dhe zjarrfikësit. Në zbatim të vendimit të marrë më parë, nga 1 prilli do të rriten edhe pagat e punonjësve mbështetës të administratës publike.

Kjo rritje do të jetë e ndarë në 2 faza. Pra rriten me pagat e vitit 2023, ndërsa do të ketë rritje edhe në vitin 2024. Kostoja vjetore, e cila e plotë do të jetë për vitin 2025 e rritjes së pagave është në nivelin 38 miliardë lekë.

Këto fonde janë parashikuar që të mblidhen qoftë nga rritja e të ardhurave, qoftë nga rialokime të brendshme. Ne do të vijojmë të ulim borxhin dhe deficitin duke ofruar qëndrueshmëri fiskale. Për 2023-shin kishim parashikuar politikë të rritjes së pagave dhe kishte vlerë 2.4 miliardë lekë që prekte arsimin, shëndetësinë dhe IT.

Rritja e pagave vjen edhe si pasojë e krizës inflacioniste, pra janë disa zëra të parashikuara në buxhet që akomodojnë rritjen e pagave dhe koston shtesë të parashikuar për këtë vit”, tha Ibrahimaj./ CNA.al





Lajmet e fundit nga