Propaganda me rritjen e pagave/ Tabaku: Shqiptarët paguajnë faturën

20 Prill 2023, 11:51, Politikë CNA

Propaganda me rritjen e pagave/ Tabaku: Shqiptarët paguajnë

Deputetja Jorida Tabaku

Sot ministrat, pas mbledhjes së qeverisë, bënë me dije se janë miratuar rritja e pagave për disa kategori si në shëndetësi, polici, zjarrfikës, mjekët dhe infermierët e burgjeve e të tjerë.

Deputetja Jorida Tabaku ka reaguar në rrjete sociale duke shkruar se faturën për rritjen e pagave do ta paguajnë shqiptarët.

Sipas Tabakut, Shqipëria renditet e fundit në rajon për pagën minimale e mesatare, për të ardhurat për frymë e për shumë tregues të tjerë. Nga ana tjetër inflacioni bazë është më i larti në rajon e gjasat janë që kjo do të vazhdojë.

Deputeja shton se ka pasur dhe një rritje të taksave në sektorin privat ku profesionistët sot do të paguajnë deri në 23 për qind, rritja pagës minimale do sjellë rritjen e pagesës së sigurimeve shoqërore e shëndetesore.

“Kush do ta paguajë faturën? Natyrisht shqiptarët!

Ditën e sotme qeveria lajmëroi se do të rrisë pagat për sektorin publik. Një nismë shumë e vonuar duke pasur parasysh se konkurenca e sektorit publik ka qenë e ulët në lidhje me pagat madje nën këtë qeveri për herë të parë në vite kemi pasur dhe rënie të pagës reale. Dëshmi se si të gjitha reformat e ndërmarra nga 2013 e këndej kanë rezultuar në flluskë sapuni, pasi sot në kohë të vështira duhet të tregonim rezistencë ndërsa tregojmë dobësim dhe dështim.

Pra, rritja e pagave mund të ishte (edhe duhet të ishte) kryer kohë më parë por reformat e kësaj qeverie nuk kanë pasur synim forcimin e administratës por tkurrjen e saj dhe dobësimin e saj.

Sot, gjithsesi ministrja e Financave deklaroi se rritja e pagave do të vijë nga rritja e të ardhurave. Cilit zë të të ardhurave? Struktura e të ardhurave në vendin tonë e ka barrën më të madhe fiskale tek grumbullimi i TVSH-së, që ka filluar të bjerë si pasojë e uljes së konsumit. Ky i fundit, përmes reaksionit zinxhir, ka nisur të bjerë si pasojë e rritjes së çmimeve të inflacionit socialist.

Shqipëria renditet e fundit në rajon për pagën minimale e mesatare, për të ardhurat për frymë e për shumë tregues të tjerë. Nga ana tjetër inflacioni bazë është më i larti në rajon e gjasat jamë që kjo do të vazhdojë. Ndërkohë që ka pasur dhe një rritje taksat në sektorin privat ku profesionistët sot do të paguajnë deri në 23 përqind, rritja pagës minimale do sjellë rritjen e pagesës së sigurimeve shoqërore e shëndetesore.

Në të gjtiha rastet, situata është shumë problematike dhe ekonomia rrezikon të futet edhe më shumë në spiralen e një krize inflacioni që varfëron shqiptarët dhe rrit edhe më shumë çmimet. Një krizë që është në agimin e saj dhe që po varfëron Shqipërinë për të pasuruar vetëm pakicën për të cilën punon kjo qeveri.

Fatura reale e pagave është akoma e paqartë aahtj si dhe burimet që do ta mbulojnë nga buxheti! Pushtetit vendor i ëahtë thënë qe duhet të rrisë pagat pa i rritur transfertën në kushtet kur të paktën 11 bashki janë me të dhëna financiare në falimentim e të tjera kanë rritur stafin në përmasa të manaxhueshme si Tirana!

A mundet një herë të vetme të fokusohemi te reformat reale që e ndihmojnë tregun, rrisin konkurencën, mbajnë profesionistët në Shqipëri dhe mendojmë në afatgjatë, jo për sot?!”, shkruan Tabaku./ CNA.al