E fundit!

17:12 Kosova & Bota

Deputeti shqiptar në Parlamentin e Serbisë: Do të inicioj kërkesën për shkarkimin e ministres Paunoviç

Deputeti shqiptar në Parlamentin e Serbisë, Shaip Kamberi ...

CNA i nxori mesazhet/ Bejko justifikohet për pagesën si analist te “Abc”, sulmon Berishën

28 Mars 2023, 21:19, Politikë CNA

CNA i nxori mesazhet/ Bejko justifikohet për pagesën si analist te

CNA publikoi ditën e sotme disa mesazhe që tregonin se kandidati i PD-së së vulës për bashkinë e Tiranës, Roland Bejko, është paguar si analist në televizionin “Abc News”, ku është drejtor informacioni Sokol Balla.

Për mesazhet ku Sokol Balla deklaronte se mes disa opinionistëve me pagesë ishte edhe Bejko, ka reaguar vetë ky i fundit.

Me anë të një statusi në rrjetet sociale, kandidati i PD-së së vulës justifikohet, duke hedhur akuza ndaj kryetarit të PD-së, Sali Berishës dhe demokratëve.

Deklarata e plotë:

Reagim publik!

Shikoj se familja Berisha dhe pagatorët e tij janë shqetësuar nga kandidimi im për Tiranën. Kjo më jep kënaqësinë për vendimin e drejt që kam marrë për të kandiduar në emër të Partisë Demokratike që Berisha po kërkon ta zhdukë në skutat e Ilir Metës.

Akuza më e rëndë që kanë gjetur për mua deri tani është se kam një veprimtari publike si opinionist tek një televizion i pavarur në vend, deri ditën që mu besua kandidimi për Tiranën. Akuza është se gazetari që më ka ftuar quhet Sokol Balla.

Roland Bejko, nga analist me pagesë në "ABC" në kandidatin e Alibashës për Tiranën
28 Mars, 15:03

Përfytyro kolegët e mi të nderuar të majtë a të djathtë në bindje e qëndrime, që dalin tek televizioni i familjes Berisha, se çfarë mund të akuzohen, duke u përdorur i njëjti kriter, nëse identifikohen me akuzat dhe krimet që kanë mbi shpinë pronarët e godinës dhe pronarët e atij televizioni.

Post Scriptum:

Në të gjitha daljet e mia publike prej gati dy vjetësh, në çdo televizion: Top News, ABC News, A1 Raport, Fax neës, Euro News, MCN, A2CNN, etj, në çdo intervistë, analizë a debat, qëndrimet e mia kanë qenë dhe janë qartësisht të qarta kundër ortakërisë së trekëndëshit të Bermudës; Rama, Berisha, Meta dhe satelitit Veliaj, pasi në bindjen time, Shqipëria do të ndryshojë rrënjësisht ditën që historia do t’i flakë në koshin e vet këta oligarkë të politikës dhe ekonomisë shqiptare që ditën bëjnë sikur zihen, natën ndajnë paratë e tenderave publikë, inceneratorëve, lejeve të ndërtimit, pronave publike, etj, sepse të gjitha rrugët e parasë së tyre, po t'i ndjekësh, përfundojnë aty, tek katër a pesë përdoruesit mëdhenj të parave të tyre që ndërtojnë së bashku blloqet e gradaçelave e pallateve kudo nëpër Tiranë e bregdet.

Unë jam kandidat për Bashkinë e qytetit ku jetoj, sepse nuk jam shpallur "non grata" i akuzuar për korrupsion të qënësishëm, as i akuzuar për mbështetje të trafikantëve dhe grupeve kriminale, as si pengues i demokracisë.

Unë jetoj me punën time.

Por ama, dy pyetje më mundojnë prej kohësh. Ku i gjen paratë Foltorja për shpenzimet financiare maramendëse që bën?! Në cilën bordero paguhen njerëzit e shumtë të të gjitha niveleve të angazhuar te Foltoria?!/ CNA.al

CNA i nxori mesazhet/ Bejko justifikohet për pagesën si analist te