web counter
LEXO PA REKLAMA!

SHKARKO APP

App Store
Google Play

E fundit!

x

Murrizi “tallet” me Alibeajn/ Nuk kursen as ambasadoren: Kush ka qenë qëllimi i “investimit” të Yuri Kim

28 Mars 2023, 17:05, Politikë CNA

Murrizi “tallet” me Alibeajn/ Nuk kursen as ambasadoren: Kush ka

Ish-deputeti Myslim Murrizi është tallur me Enkelejd Alibeajn për kandidatët që ai ka dorëzuar në KQZ për zgjedhjet vendore të 14 majit.

Murrizi ka publikuar batutën në filmin “Vendimi”, ku Aleks Xixa deklaronte se ishte kryetari i Partisë Komuniste të vërtetë dhe thotë se edhe Alibeaj në delir pretendon se është kryetar i PD-së.

Ai i cilëson deputetët e grupit të vulës si një tufë vemjesh, ndërsa nuk ka kursyer as ambasdaoren amerikane në Tiranë, Yuri Kim.

Ish-deputeti hedh dyshime se cili është qëllimi i vërtetë i “investimit” të ambasadores, e cila mbështet Enkelejd Alibeajn.

Murrizi thekson se në 14 maj do të shihet se sa persona mbështesin PD-në e vulës dhe sa PD-në e anëtarësisë.

Statusi i plotë në rrjetet sociale:

I komanduari si kryetar i “PD” dhe i mbështetur nga pushteti, gjykata dhe ambasadorja Kim, më ngjan fiks si Alex Xixa tek kjo video që jo në delir si Alibeaj, por nga halli thoshte jam kryetari i Partisë Komuniste të vërtetë.

Një tufë vemjesh që nuk gjetën dot as 61 individë si kandidatë, pretendojnë së janë PD zyrtare.

Për herë të parë pashë një reagim realist të deputet Gjekmarkaj, ku thoshte se ka më shumë “forume” se anëtarësi dhe e quante fiks kjoskë pa leje kur i kërkonte të mbyllte qepenin.

Një eksperiment i dështuar me turp i atyre që duan të emërojnë opozitën në Shqipëri dhe të rrisin me hormone si mender lider apo faktor politik njerëz pa b… pa këllqe, pa shtyllë kurrizore, pa moral, pa dinjitet, pa karakter, pa burrni e pa njerzillik, por thjesht frymor vegjetues.

Një gabim fatal duke i konsideruar si të vetmit pro amerikanë nga e gjithë opozita, që po të jetë kështu atëherë në Shqipëri qenkan pro Amerikan vetëm 50 fundërrina që nuk ju beson askush dhe nuk i voton asnjë

Nuk e di kush ka qenë qëllimi i një “investimi” kaq të madh i Zj Kim që zvogëloi më shumë punë sforco e kosto të madhe numrin e pro amerikanëve në Shqipëri kur në fakt mbi 90% e shqiptarëve janë pro amerikanë edhe pa “ndihmën” e Zj Kim.

Anti-amerikanet i ke në qeveri Zj Kim sepse janë pothuajse të gjithë pjella bastarde e ish-udhëheqjes komuniste dhe bijtë, nipër e mbesa të fundërrinave të diktaturës, edhe pse ju Zj Kim keni qenë të “dashuruar” me ta për interesa personale ose të padrinove de fakto tuaj të neokomunistit Soros.

Në 14 maj do të shihni se sa i madh do të jetë numri i atyre që ju thatë se do hanin barë dhe sa i vogël është numri i këtyre që kanë afro dy vjet që hanë m** në fakt duke menduar që po “ushqehen” me vitamin.

Në 14 maj do shihni se sa i madh do të jetë numri i shqiptarëve “anti” amerikanë sipas jush dhe sa shum pak “pro” amerikanë do të kenë pas vetes këta hajdutë vule.

Ka më shumë se 10 ditë që të gjitha mediat kërkonin të zmadhonin një njeri të vogël dhe të quanin parti zyrtare një tufë “grabitqare” duke bërë “ lajm” çdo takim të një grushti vemjesh sikur po mblidheshin “strukturat”.

Njëherë njoftonin se u mblodh “Grupi Parlamentar” pastaj pas dy orësh mblidhej “kryesia” pastaj nga ora 18:00 mblidhej “Kolegji i Kryetarëve” pastaj prap “kryesia” pastaj “Këshilli Kombëtar” pastaj “Kuvendi” e ditën tjetër ndryshonin radhën e lajmit, por gjatë gjithë javës janë mbledhur gjithsej rreth 30 frymorë që vegjetojnë akoma me shpresën se janë udhëheqësa dhe kjo ëndër i mban në këmbë.

Pas 14 majit Alex Alixixa do të “arrestohet” dhe do të hajë pëllëmba surratit që të mos i bjerë mendja më kurrë ta mendojë se është “kryetar” i asnjë OJQ, OJF e jo më i Partisë Demokratike.

Demokracia nuk është mall që importohet, por është frymë, bindje dhe ide që kanë lidhje me shpirtin dhe mendjen e lirë të çdo qytetari, jo me interesat e vogla të disa njerëzve të shitur për para tenderash

Nuk di si ndjehen sot disa lehës nëpër ekrane që dërdëllisnin se do kishin kandidat në 61 bashki???/ CNA.al





Lajmet e fundit nga