web counter
LEXO PA REKLAMA!

SHKARKO APP

App Store
Google Play

E fundit!

x

“Krimbat zhvillohen duke u ushqyer nga djathi”/ Gurra: Alibeaj dhe Bejko ekzistojnë prej Berishës

28 Mars 2023, 17:10, Politikë CNA

“Krimbat zhvillohen duke u ushqyer nga djathi”/ Gurra: Alibeaj dhe

Gazetari Hysni Gurra ka ironizuar kreu e grupit të vulës, Enkelejd Alibeajn dhe kandidatin e tij për Tiranën, Roland Bejko.

Gjatë prezantmit të Bejkos, ditën e sotme Alibeaj, por edhe vet kandidati i vulës për Tiranën kanë sulmuar kreun e PD-së së anëtarësisë, Sali Berisha.

Gurra nëpërmjet një reagimi në rrjete sociale ka bërë një paralelizëm të këtyre dy personazheve me krimbat.

Sipas gazetarit, publiku shqiptar e njeh Alibeajn dhe Bejkon falë Sali Berishës. Dikur i ka njohur si servil të Berishës teksa përpiqeshin t’i binin në sy, ndërsa sot i njohin si armiq të tij.

Duke përdorur nota ironie, Hysni Gurra shprehet se krimbat janë zhvilluar duke u ushqyer nga djathi, pra u njohën prej Berishës dhe me kohën kanë humbur vetëdijën duke dashur të bëhen dhe ata djathi, pra kanë dashur të zëvëndësojnë vet Berishën në krye te PD.

“Djathi dhe krimbat!

Fytyrat e ngërdheshura e të shtrembëruara të Ledit e Landit, të cilët me vetëdije kanë shërbyer si kamikazë ndaj demokracisë në Shqipëri, nga fillimi i 2022 e deri më sot, s’meritojnë gjë tjetër veçse përbuzje.

Le të mos ta duash Sali Berishën, po dil trego që ke mbështetje popullore dhe vazhdo rrugën tënde, s’je i detyruar të ndjekësh askënd nëse ke vota.

Por të dalin të sulmojnë Sali Berishën, Ledi dhe Landi - ky është kulmi!!!

Carlo Ginzburg në një libër ’bota e një mullixhiu të shek.XVI’, nga goja e Farfarelit thotë se: Edhe në ferr duhet thënë e vërteta- “ndaj ji i sinqertë, se e vërteta, dije, ka vlerë edhe në ferr”.

Dhe e vërteta është se publiku; shqiptar di për ekziston Enkelejd Alibeaj dhe Roland Bejko vetëm prej Sali Berishës.

Edhe dje, edhe sot.

Hipokrizia bën që ekzistenca (publike) e tyre të jetë gjithmonë falë Berishës, njëherë duke u shfaqur si servilë ndaj tij dhe njëherë duke u shfaqur si armiq të Berishës.

Janë të njëjtët, Landi dhe Ledi të cilët publiku shqiptar nuk i njeh si njerëz që kanë spikatur si intelektualë, si biznesmenë të zotët apo qytetar model që kanë provuar se janë potencial votash si njerëz të pavarur në gara elektorale.

Joooo- publiku këta i njeh o si servilë të Berishës (dje) o si armiq të Berishës dhe servilë të Edi Ramës e Erion Veliajt (sot).

Është kështu, është si djathi dhe krimbat.

Krimbat zhvillohen duke u ushqyer nga djathi dhe me kohën hubasin vetëdijen e fillojnë të pretendojnë që janë vetë djath”, shkruan ai./CNA.al

 





Lajmet e fundit nga