I kujtoi tramin e Bashës/ Këlliçi “i mbyll gojën” gazetares: Duket sikur kronikën ta ka bërë Veliaj

28 Mars 2023, 18:56, Politikë CNA

I kujtoi tramin e Bashës/ Këlliçi “i mbyll

Gazetarja Viol Xhafaj dhe kandidati i opozitës për Tiranën, Belind Këlliçi

Projekti i kandidatit të opozitës për Tiranën, Belind Këlliçit për transportin publik falas është një nga çështjet e para me skepticizëm nga politika dhe disa media.

Të tillë qëndrim ka mbajtur edhe gazetarja Viol Xhafaj, e cila i përmendi Këlliçit pasditen e sotme projektin e parealizuar për tramin të ish-kryebashkiakut të Tiranës, Lulzim Basha.

Por kandidati i opozitës u shpreh se trami ka qenë premtim i Bashës e jo i tij, njësoj si premtimi i Veliajt për trenin elektrik.

“Tramin e Tiranës e ka premtuar Lulzim Basha dhe trenin elektrik e ka premtuar Erion Veliaj. Unë as nuk kam tram sot në qytet, as nuk kam tren elektrik. Unë po premtoj diçka, për të cilën po ju jap shifrat. Jam konçiz, janë shumë shifra me “këmbë në tokë” dhe gjykoj që të dedikosh vetëm 6% të buxhetit të bashkisë për t’i shërbyer 200 mijë qytetarëve në ditë, është fantastike, e mirëpret çdo qytetar. Këtë që unë po them nuk e ka bërë vetëm Belindi si propozim”, theksoi ai.

Por gazetarja transmetoi një kronikë me përllogaritjet e kostove të transportit publik pa pagesë, ku sërish përmendej trami i Bashës.

Këlliçi sqaron projektin/ Tregon shembuj konkretë për transportin falas të Tiranës
28 Mars, 18:46

Këlliçi “i mbylli gojën” gazetares, të cilës i tha se duket sikur kronikën ia ka bërë kryebashkiaku Erion Veliaj me duart e tij.

Pjesë nga biseda:

Këlliçi: Faleminderit! Duket sikur e ka bërë vetë Erion Veliaj me dorën e vet kronikën, por dua t’ju them vetëm kaq, pse nuk ju kujton kjo premtimet…

Gazetarja: Po jo, përllogaritjet janë të thjeshta. Shifrat…

Këlliçi: Shumë të thjeshta janë se konfirmuat atë kapacitet që transporti publik ka, atë që thashë unë po pse nuk ju bën përshtypje për trenin elektrik që ka premtuar Veliaj? Pse nuk ju tingëllon si trenin elektrik të Veliajt që është premtuar, që duket të kishim tren elektrik ne bashkë?

Gazetarja: Dakord, po le t'i marrim me radhë. Ju kemi sot këtu. Dua t’ju dëgjoj për premtimet që keni bërë.

Këlliçi: Jo, të rrimë te treni elektrik se e kam dëgjuar dhe unë trenin elektrik prandaj.../ CNA.al