web counter
LEXO PA REKLAMA!

SHKARKO APP

App Store
Google Play

E fundit!

x

Roland Bejko: Nëse Basha nuk ofron firmën, ka marrëveshje okulte me Berishën

10 Mars 2023, 13:17, Politikë CNA
Roland Bejko: Nëse Basha nuk ofron firmën, ka marrëveshje okulte
Anëtari i Këshillit Kombëtar të Partisë Demokratike, Roland Bejko

Anëtari i Këshillit Kombëtar të Partisë Demokratike, Roland Bejko, ka qenë i ftuar në një studio televizive ku tema kryesore ishte vendimi i fundit i Komisionerit Celibashi.

Bejko me sa kuptohet nuk e shikon si normale që Basha nëpërmjet Gazit refuzon me arrogancë nënshkrimin e dokumentit të kërkuar nga Celibashi.

Bejko ka deklaruar se nëse Lulzim Basha nuk do të firmosë brenda afatit dokumentin e kërkuar nga KQZ për të regjistruar partinë në zgjedhje, atëherë do ta konsideronte si marrëveshje të fshehtë me Berishën.

Firma e Bashës, në dokumentin e kërkuar nga Celibashi lejon PD-në të regjistrohet në zgjedhje.

Mohimi i siglimit të atij dokumenti nga Basha që nuk është as i sëmurë, as i pamundur, pengon PD-në në zgjedhje.

Dhe do rezultojë që pasi luftoi për vulën, sot Lulzim Basha po e shfryrëzon të drejtën e vulës për të ndaluar PD-në të hyjë në zgjedhje.

“Nëse PD nuk futet në zgjedhje për shkak të mungesës së firmës unë do ta konsideroj si marrëveshje okulte që Basha ia bën shërbim Berishës”-tha Bejko.

Këtij arsyetimi mund t'i shtohet edhe fakti që Lulzim Basha nuk flet, por Gazment Bardhi pasi prej ditësh deklaronte që Basha nuk ishte fare në Shqipëri, dje u vu para fakteve nga gazetari Ylli Rakipi, që i provoi Gazit që Basha është në Tiranë dhe bredh lokaleve natën./ CNA.al





Lajmet e fundit nga