web counter
LEXO PA REKLAMA!

SHKARKO APP

App Store
Google Play

Kontrollet në vilën e Ahmetajt/ Berisha i "drejton gishtin" Ramës: Nuk shpëton dot nga afera e djegësve

10 Mars 2023, 13:11, Politikë CNA
Kontrollet në vilën e Ahmetajt/ Berisha i "drejton gishtin"
Foto ilustruese

CNA.al raportoi një ditë më parë se forcat e policisë dhe BKH rrethuan vilën e ish-zëvendëskryeministrit Arben Ahmetaj në Gjirin e Lalëzit.

Burime zyrtare i thanë CNA.al se është kryer verifikimi i plotë i objektit, procedurë, e cila zbatohet në momentet e fillimit të hetimit pasuror.

Vila në gjirin e Lalëzit është në pronësi të bashkëjetueses së Ahmetajt dhe ky i fundit nuk e ka mohuar dhe ka theksuar se është blere me vlerë 240 mijë euro nga një biznesmen.

Në lidhje me këtë ka reaguar kreu i PD-së, Sali Berisha, i cili në një deklaratë për mediat, ka hedhur akuza se kryeministri Edi Rama fshihet pas këtyre urdhërave, pasi po kërkon që të shpëtojë nga afera e djegësve.

“Rama-Veliaj janë autorë kryesorë të aferës së tmerrshme të djegësve. Kryetar është direkt Edi Rama. Ia tha Arben Ahmetajt.

Le të kontrollojë syndyqet e gruas së Ahmetajt, por nuk shpëton Edi Rama nga afera e djegësve.

Të bëjë ç’të dojë, të kontrollojë kë të dojë. Ai është njeriu që mobilizoi qeverinë për një aferë të tmerrshme.

Erion Veliaj kreu krimin e shëmtuar duke firmosur në emër të gjithë këshillit dhe sot gjobit qytetarët me 18 euro për çdo ton.

Janë të zier në krim, janë të mbrujtur në krim, janë të pashpresë. Ndaj i bën këto.

Kontrollon shtëpitë vetëm për të shpëtuar nga inceneratorët. Se SPAK është shndërruar totalisht në repart të PS-së. Totalisht!”, është shprehur Berisha.

Kujtojmë se, ish-zv. kryeministri ka qenë në qendër të akuzave nga disa media të cilat janë në ortakëri dhe të paguara nga pronarët e aferës të inceneratorëve, që e akuzojnë Ahmetajn si një bashkëpunëtor të tyre./CNA.al

 





Lajmet e fundit nga