web counter
LEXO PA REKLAMA!

SHKARKO APP

App Store
Google Play

E fundit!

x

Rritja e çmimeve/ Dashnor Sula ngre shqetësimin: Shqiptarët shpenzojnë 42 % pagës për ushqimet bazë

10 Mars 2023, 10:04, Politikë CNA
Rritja e çmimeve/ Dashnor Sula ngre shqetësimin: Shqiptarët
Deputeti i Partisë Demokratike, Dashnor Sula

Deputeti i Partisë Demokratike, Dashnor Sula, ka komentuar shifrat e publikuara nga Fondi Monetar Ndërkombëtar ku thuhet se inflacioni ka ndikuar më së shumti tek ushqimet bazë.

Bazuar në këto të dhëna, Sula shton se shqiptarët shpenzojnë mbi 42 % të pagës për ushqimet bazë.

Sipas deputetit, nëse qeveria do të kishte marrë parasysh kërkesën e bërë në mënyrë të vazhdueshme nga opozita për të ulur TVSH për ushqimet bazë nga 20% në 6% vetëm për ushqimet bazë atëherë sot në xhepat e shqiptarëve do të kishte më shumë para ose do të kishim më shumë konsum.

“Varfërimi me vetëdije i i qytetarëve nga qeveria!

Në muajin janar, Inflacioni shënoi sërish rritje rekord pas një ngadalsimi në fundin e vitit që kaluam. Kjo përkthehet në rritje rekord të çmimeve për muajin janar. Po kështu në arkën e shtetit kanë shkuar më shumë të ardhura. Të vetmit që dëmtohen janë qytetarët.

Ndërkohë sipas FMN-së inflacioni në Shqipëri ka ndikuar më së shumti të çmimet e ushqimeve bazë. Ndërsa po FMN  ka zbuluar se shqiptarët shpenzojnë mbi 42% të pagës për ushqimet bazë.

Ky fakt i publikuar nga FMN dëshmon se sa shumë preken qytetarët nga rritja e çmimeve dhe nga papërgjgjshmëria e qeverisë për ti ardhur në ndihmë.

Nëse qeveria do të kishte marrë parasysh kërkesën e bërë në mënyrë të vazhdueshme nga ne, opozita për të ulur TVSH për ushqimet bazë nga 20% në 6% vetëm për ushqimet bazë atëherë sot në xhepat e shqiptarëve do të kishte më shumë para ose do të kishim më shumë konsum.

Maqedonia e Veriut e ka vendosur 5 per qind TVSH per ushqimet baze. Vendet e tjera të rajonit si Serbia e kanë vendosur  8 per qind TVSH.

Ndërkohë qeveria jonë, renditet e fundit më rajon me vetëm 0.3% të PBB ndihmë për të përballuar krizën. Kjo është fytyra e qeverisë shqiptarë ndaj popullit të saj. Në vend të ndihmës, krijoi borde për të rritur çmimet dhe fitimin për grosistët jo për të ndihmuar qytetarët”, shkruan deputeti i PD-së, Dashnor Sula, në rrjetet sociale./ CNA.al





Lajmet e fundit nga