web counter
LEXO PA REKLAMA!

SHKARKO APP

App Store
Google Play

"Alibeajt i mungojnë demokratët”/ Zhupa: PD-ja e vërtetë, ajo e Berishës

9 Mars 2023, 20:38, Politikë CNA

"Alibeajt i mungojnë demokratët”/ Zhupa: PD-ja e

Deputetja e Partisë Demokratike, Ina Zhupa ka deklaruar se PD e vërtetë ka si kryetar Sali Berishën dhe ka strukturat e saj dhe Primaret.

Gjatë një dalje mediatike Zhupa tha se grupit të deputetëve që mbështesin Enkelejd Alibeajn dhe Lulzim Bashën, u mungojnë demokratët dhe strukturat për të qenë Partia Demokratike zyrtare.

“Vetë fakti që kërkohet ende të ngjallet Basha si kryetar i PD-së tregon absurditetin ku po jetojmë. Realiteti është Partia Demokratike me strukturat e saj, me Primaret dhe kryetarin e saj Sali Berisha. Kemi dhe palën tjetër me Alibeajn dhe Bashën të cilës i mungojnë demokratët dhe strukturat. Në momentin që Celibashi detyrohet nga Rama t’ia japë Alibeajt krijohet një tjetër ngërç ligjor. Nuk ka parti pa kryetar, kur ikën një kryetar organet zgjedhin menjëherë zëvendësin e tij. Është vullneti i Ramës për të krijuar këtë ngërç ligjor dhe të mos lejojë kandidatët e Primareve të kandidojnë. Frika e Ramës ka krijuar këto artifica ku Celibashi kërkon deklaratën e Bashës. Është si t’i kërkojmë një personi të delegojë votën. Kjo nuk lejohet, apo të delegosh dhëndrin në një martesë. Tjetër është kompetenca dhe tjetër është përgjegjësia. Kur ka vetëm një PD nuk mund të ketë dy palë në gjykatë sepse do të nënkuptonte dy parti. Problemi është ai që i përdor ata në palën tjetër. Nuk besoj se kanë fuqi Basha apo Alibeaj të çojnë çështjen në Apel dhe të bëjnë atë që ndodhën, atë forcë e ka Rama. Ne jemi të hapur për bashkëpunim, cilido deputet që e sheh zgjidhjen te bashkimi është i mirëpritur të vijë dhe të bëjë fushatë për ne. Alibeaj nuk ka parti, nuk ka struktura, nuk e njeh as KQZ si kryetar./CNA.al





Lajmet e fundit nga