web counter
LEXO PA REKLAMA!

SHKARKO APP

App Store
Google Play

E fundit!

x

"Tjetër për tjetër"/ Muçollari tregon të vërtetën e fshehur pas fotos së Veliajt për shkollën "Servete Maçi"

9 Mars 2023, 17:18, Politikë CNA

"Tjetër për tjetër"/ Muçollari tregon të
Anëtari i Kryesisë së Partisë Demokratike, Grigels Muçollari ka denoncuar skandalin në shkollën "Servete Maçi" në zonën e Selvisë në Tiranë.

Kryebashkiaku i Tiranës, Erion Veliaj para disa ditësh ka shpërndarë një foto në rrjete sociale ku shihet shkolla e rindërtuar, sipas standardeve më të mira.

"Tjetër për tjetër"/ Muçollari tregon të

Ndërkohë e vërteta sipas Muçollarit është ndryshe. Në një foto të shpërndarë në rrjete sociale ai tregon se i është drejtuar shkollës në fjalë dhe ka sjellë të vërtetën e asaj fotoje të kuruar.

Në të shihet shkolla e cila është e mbuluar dhe e rrethuar nga pallatet e larta në ndërtim e sipër, pallate të cilat Veliaj në foton e publikuar nuk i ka treguar.

Muçollari shprehet se nuk ka dy realitete, ka vetëm një dhe u paraqitet qytetarëve tjetër për tjetër.

"Tjetër për Tjetër
Kjo rubrikë që nisim sot nuk ka për qëllim t'ju tregojë Tiranën tjetër, sepse nuk ekziston asnjë version tjetër përpos asaj që shihni çdo ditë.
Konkretisht, në datën 11 shkurt, Erion Veliaj bëri një publikim në rrjetet e tij sociale, ku shfaqi shkollën "Servete Maçi" te Selvia.
Na e dëftoi shkollën në këndin e tij të shikimit.
Një fotografi e kuruar u servir si realiteti i Tiranës.
Fill pas këtij publikimi, iu drejtova shkollës "Servete Maçi", për të ndarë sot me ju këtë fotografi, që tregon se e kundërta e të vërtetës është Erion Veliaj.
Nuk ka dy realitete. Ka veçse një që ju paraqitet tjetër për tjetër", shkruan ai./CNA.al

 

 

 





Lajmet e fundit nga