web counter
LEXO PA REKLAMA!

SHKARKO APP

App Store
Google Play

E fundit!

x

Ndihmojeni Gaz Bardhin të gjejë dokumentin që mungon në KQZ!

9 Mars 2023, 15:28, Politikë CNA
Ndihmojeni Gaz Bardhin të gjejë dokumentin që mungon në KQZ!
Gazment Bardhi dhe Lulzim Basha

Në "Twitter" Gaz Bardhi pretendon se:

"PD ka dorëzuar dokumentacionin e plotë ligjor për regjistrim. Deklaratat e sotme politike të KQZ-së nuk kanë asnjë lidhje me ligjin, por janë formalizim i një vullneti politik ekstraligjor. Nuk do të ketë asnjë plotësim dokumentacioni sa kohë ai është dorëzuar i plotë!"

Po e ndihmojmë Gazin! Deklarata që mungon është ajo e parashikuar nga shkronja "e" e Nenit 64 të Kodit Zgjedhor.

Është deklarimi solemn i kryetarit të partisë për refuzimin për të marrë pjesë në praktika të blerjes së votës, marrjes së financimeve dhe përfitimeve të kundërligjshme, si dhe për të konkurruar në zgjedhje në mënyrë të ndershme.

Ndihmojeni Gaz Bardhin të gjejë dokumentin që mungon në KQZ!

Asnjëherë deri më sot nuk ka ndodhur që ndonjë kryetar partie të ketë pasur frikë të nënshkruajë deklaratën që gjendet në format formulari në faqen e KQZ-së.

Lulzim Basha e ka firmosur atë deklaratë të paktën 2 herë më parë. Nuk ka pasur frikë, megjithëse paralelisht nënshkruante mbi 600.000 euro financime të kundërligjshme.

Ai formulim është formulimi më i parrezikshëm deri dje dhe paragrafi më i gjithëpranuar nga çdo kryetar partie.

Babai i Kodit Zgjedhor, nuk do ta kishte parashikuar dot kurrë sa peshë do të kishte ky paragraf në melodramën e sotme të të dyja Partive Demokratike. Por me siguri, sikur ta dinte, do ta kishte vënë nën shkronjën "a" dhe nuk do t'i ruante fundin e rreshtit.

Ai format deklarate është në faqen e KQZ-së.

Kjo është deklarata që mungon nga dosja që Gazi ka dorëzuar në KQZ e që duhet ta nënshkruajë Lulzim Basha.

Kësaj radhe Lulzimi ka vetëm 3 data në dispozicion.

Datën 9, 10 dhe 11 mars 2023.

Koha filloi!

Gazment juristi të mos humbasë kot kohë me patetizmin e "Twitter"-it, por të printojë deklaratën dhe t'ia japë për nënshkrim Lulit.

Ose kujtdo që ndihet kryetar i PD-së me kryetar Lulzim Bashën./ CNA.al





Lajmet e fundit nga