web counter
LEXO PA REKLAMA!

SHKARKO APP

App Store
Google Play

E fundit!

x

Meta prezanton kandidatët për Këshillat Bashkiakë/ Flet për koalicionin me Berishën

9 Mars 2023, 14:06, Politikë CNA
Meta prezanton kandidatët për Këshillat Bashkiakë/ Flet
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka prezantuar kandidatët për Këshillin Bashkiak të Tiranës.

Në një deklaratë për mediat Meta tha se lista drejtohet nga Silva Caka, dhe nga figura të tjera të Partisë së Lirisë, si Endrit Braimllari, Florida Kërpaçi, Tedi Blushi, Ana Zizaj e të tjerë. 

“Kemi ndjekur procedurë transparente për kandidatet për Këshilla Bashkiakë. Komisioni i drejtuar nga Vasili ka bërë një vlerësim përfundimtar të kësaj liste, në bazë të aplikimeve të pertinenteve. Mund t’ju konfirmoj se lista me 26 emrat e parë është e miratuar nga kryesia, pjesa tjetër është zyrtarizuar nga komisioni përkatës, pasi secili të plotësojë dokumentet përkatëse. Lista drejtohet nga Silva Caka, dhe nga figura të tjera të Partisë së Lirisë, si Braimllari, Kërpaçi, Tedi Blushi, Ana Zizaj, etj", u shpreh Meta. 

Ndër të tjera, Meta u pyet nëse do të regjistrohet në një koalicion me Sali Berishën dhe pohoi se së bashku me Berishën janë betuar për të larguar regjimin me 14 maj.

“Besoj se të gjithë e dinë, dhe e mbajnë mend që ne kemi hedhur një firmë dhe kemi bërë një ceremoni ku jemi angazhuar solemnisht, për t’i dhënë fund regjimit qendror duke rrënjosur fitoren në zgjedhjet e 14 majit. Kthimin e Këshillave Bashkiakë në tribuna, ku vetë qytetarët do të vijnë dhe do të shprehin idetë e tyre. Hapi i dytë është një ligj që do të ushtrojë të drejtën e referendumit, që t’i jepet fund pengmarrjes së shtetit”, tha Meta./ CNA.al





Lajmet e fundit nga