E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Luli nuk pranon të firmosë si kryetar i PD-së

9 Mars 2023, 15:11, Politikë CNA

Luli nuk pranon të firmosë si kryetar i PD-së

Lulzim Basha

Gazment Bardhi ka bërë një reagim pas qëndrimit të mbajtur sot publikisht nga KQZ-ja.

Sipas KQZ-së, Lulzim Basha duhet të çonte një autorizim tjetër pasi ai përcaktonte vetëm vitin, por jo datën dhe duhet të firmoste ky i fundit në lidhje me kërkesën për të regjistuar Partinë Demokratike të vulës në zgjedhje.

Deklarimet e Celibashit ishin të qarta dhe ai theksoi se Basha duhet të çonte një autorizim të ri ku të theksonte datën e zgjedhjeve dhe ta firmoste ai tani, pra brenda 48 orëve.

Në fakt, ka reaguar Gazment Bardhi, i cili i ka quajtur ekstraligjore interpretimet e Ilirjan Celibashit, i cili ka kërkuar që Basha të formalizohet për t'u regjistruar si parti në zgjedhje.

Gazi ka thënë se nuk do të çojnë asnjë dokumentacion, por e quante të plotë dokumentacionin, përfshi këtu edhe një autorizim të vitit 2022, i cili mban datën 18 mars që është tri ditë para dorëheqjes së Lulzim Bashës, ndërkohë që në Gjykatë Lulzim Basha figuron kryetar partie.

Me këtë autorizim Luli thotë se, kryetari i PD-së për të ushtruar funksionet është Enkelejd Alibeaj, përfaqësues ligjor për zgjedhjet e 2023-shit është Indrit Sefa. Por sipas KQZ-së dhe shumë ekspertëve, ky autorizim nuk ka vlerë pasi Lulzim Basha disa ditë më vonë ka dhënë dorëheqjen dhe kjo dihet botërisht.

Pavarësisht faktit se Basha e ka lëshuar në datën 18 mars të vitit të kaluar, Luli duhet të bëjë një autorizim të ri apo një shkresë të re zyrtare drejtuar KQZ-së, sepse e para nuk përcakton datën e zgjedhjeve.

Pra, KQZ-ja qartë i ka kërkuar Lulzim Bashës të rifirmosë apo të rideklarohet si kryetar i PD-së pas qëndrimeve të mbajtura nga Gjykata apo siç figuron në regjistrin e kësaj të fundit.

Në fakt, Gazment Bardhi ka thënë sot se Lulzim Basha dhe PD-ja e vulës nuk do të çojnë asnjë dokumentacion në KQZ pasi e konsiderojnë të plotë. Gaz Bardhi, thjesht dhe vetëm po tregon se Luli nuk pranon të njihet nga KQZ-ja kryetar. Edhe pse kjo e fundit po i thotë zotit Basha firmos shkresën dhe eja si kryetar i PD-së në institucion sepse ti figuron zyrtarisht në Gjykatë pavarësisht përplasjeve që keni brenda forcës politike apo kush është kryetari i vulës apo kryetari i anëtarësisë së partisë.

Basha po refuzon që të njihet nga KQZ-ja zyrtarisht si kryetar i PD-së, duke shkuar drejt skenarit për një ankimim të mundshëm të qëndrimit dhe mendimit të KQZ-së në KAS dhe pastaj duke luajtur me marrëveshjet politike midis përfaqësuesve të Lulit dhe të Ramës të rrëzohet vendimi i KQZ-së dhe Luli të regjistrohet në zgjedhje pa çuar dokumentet zyrtare si kryetar i PD-së./ CNA.al